Reyndu að skjóta niður fjarstýrðar flugvélar

Hugmyndaflug félaganna í Dude Perfect skortir svo sannarlega ekki, í mörg ár hafa þeir félagar Tyler, Garrett, Cody, Coby og Cory keppt sín á milli í allskonar þrautum og keppnum, nú var komið að því að fljúga fjarstýrðum flugvélum.

Hæfileikar fimmmenningana í að stýra fjarstýrðum flugvélum eru ekki endilega miklir og því mikið um klaufamistök og brotlendingar.

Sér í lagi reyndist flugið erfitt þegar gerðar voru tilraunir til þess að skjóta vélarnar niður með litboltabyssum.

Sjón er sögu ríkari og sjá má herlegheitin í myndbandinu hér að neðan.