Erdogan skiptir út seðlabankastjóranum

Forseti Tyrklands, Receep Tayyip Erdogan, hefur ákveðið að breytinga sé þörf innan seðlabanka landsins og hefur vikið Seðlabankastjóranum Murat Cetinkaya úr starfi og skipað nafna hans Murat Uysal í stöðuna. AP greinir frá.

Vald forseta til þess að ráða þessum málum hefur nýlega verið veitt forsetanum en þangað til í sumar hefði hann þurft samþykki ríkisstjórnarinnar.

Fráfarandi bankastjóri, Cetinkaya, hefur verið gagnrýndur í heimalandinu fyrir að hafa ekki gert meira þegar að gengi tyrknesku lírunnar hríðféll á meðan að Tyrkir stóðu í deilum við Bandaríkjamenn.