Söng lagið Hurt í gervi Þórs úr Avengers: Endgame

Ástralski leikarinn, Chris Hemsworth, sem þekktastur er fyrir hlutverk sitt sem ofurhetjan og þrumuguðinn Þór í Marvel myndunum var gestur í spjallþætti Jimmy Fallon, The Tonight Show í vikunni.

Fallon hafði beðið Hemsworth um að sýna mynd eða myndband frá tökum á stórmyndinni Avengers: Endgame en mikil leynd var yfir vinnunni að myndinni. Hemsworth frumsýndi af því tilefni stutt myndband sem hann tók upp í gervi Þórs og söng þar lagið Hurt í útgáfu stórsöngvarans Johnny Cash en það var hljómsveitin Nine Inch Nails sem gerðu lagið frægt.

„Þór er þunglyndur og því fannst mér að hann ætti að syngja eitt sorglegasta lag í heimi,“ sagði Hemsworth á meðan Fallon hló að hverju orði.

Þá sýndu félagarnir einnig myndband frá líkamsrækt Hemsworth sem og svar leikarans Jack Black við því myndbandi.