450 milljónir króna á ábyrgð Landsbankans thorsteinn@frettabladid.is skrifar 25. apríl 2019 08:30 Valitor var dæmt til að greiða Datacell og Sunshine Press Productions 1,2 milljarða króna vegna lokunar á greiðslugátt. Landsbankinn í ábyrgð fyrir 450 milljónum af upphæðinni. Valitor segist líklega munu áfrýja dómnum. Færsluhirðinum Valitor, dótturfélagi Arion banka, er gert að greiða Datacell og Sunshine Press Productions (SPP) 1,2 milljarða króna í skaðabætur fyrir að slíta samningi um greiðslugátt fyrirvaralaust. Landsbankinn er í ábyrgð fyrir 456 milljónum króna af upphæðinni. Dómur var kveðinn upp í gær en forsaga málsins er sú að Wikileaks tók við styrkjum í gegnum greiðslugátt sem Datacell og SPP ráku. Greiðslugáttin var opnuð 7. júlí 2011 en degi síðar sleit Valitor samningnum fyrirvaralaust. Hæstiréttur sló því föstu með dómi vorið 2013 að riftun samningsins væri ólögmæt og frá þeim tíma hafa málaferli staðið um skaðabótakröfur vegna riftunar. Dómkvaddir matsmenn mátu tjónið á 3,2 milljarða. Dómarar í málinu töldu að veikleikar væru á þeim forsendum sem tölfræðilegir útreikningar matsmanna byggðust á og því væri ekki unnt að leggja niðurstöðu matsgerðarinnar til grundvallar sem sönnunargagn um umfang tjónsins. „Samkvæmt niðurstöðu dómkvaddra matsmanna nam tjónið 3,2 milljörðum en dómarinn víkur því til hliðar og fer niður í 1,2 milljarða. Maður vonaðist nú ekki til að þeir myndu ýta matinu til hliðar. Svo erum við ekki sáttir við dráttarvextina en þetta er samt sigur,“ segir Sveinn Andri Sveinsson, lögmaður Datacell og Sunshine Press, í samtali við Fréttablaðið en krafa um vexti og dráttarvexti aftur í tímann kom ekki til álita. Þá hljóðaði aðalkrafa Datacell og SPP í málinu upp á 8,1 milljarð. Ábyrgist 38 prósent Ljóst er að Landsbankinn muni þurfa að greiða 456 milljónir af heildarfjárhæðinni sem Valitor var dæmt til að greiða. Ástæðan er sú að þegar Landsbankinn seldi eignarhlut sinn í Valitor til Arion banka í desember 2014 gekkst Landsbankinn í ábyrgðir fyrir 38 prósentum af þeim upphæðum sem Valitor kynni að þurfa að greiða vegna fjögurra mála. Þeirra á meðal var málarekstur Datacell og Sunshine Press Productions (SPP) gegn Valitor. Í kjölfar dómsins gaf Valitor út að málinu verði líklega áfrýjað til Landsréttar. Félagið furðaði sig á niðurstöðunni, sérstaklega varðandi SPP þar sem það hefði aldrei átt í neinu viðskiptasambandi við færsluhirðinn. Auk þess hefði SPP aldrei haft nema hverfandi tekjur en engu að síður gert margra milljarða dómskröfu á hendur fyrirtækinu. Þá benti fyrirtækið á að einn þriggja dómara hefði skilað séráliti og viljað sýkna Valitor. Í séráliti Kjartans Bjarna Björgvinssonar héraðsdómara kemur fram að hann sé sammála meirihluta dómara um að riftun samningsins hafi leitt til fjárhagslegs tjóns. Hins vegar sé hann ósammála því að skilyrði sé fyrir því að ákvarða Datacell og SPP skaðabætur að álitum. Stefnendur hafi ekki fært nægilegar sönnur á fjártjón sitt og því beri að sýkna Valitor af kröfum þeirra. Arion banki sendi frá sér tilkynningu í gær þar sem fram kom að dómurinn hefði neikvæð áhrif á afkomu bankasamstæðunnar á fyrsta ársfjórðungi sem nema um 600 milljónum króna að teknu tilliti til skattaáhrifa. Þessi dómur, gjaldþrot WOW air og sala bankans á eignarhlut í Farice hefðu samanlagt neikvæð áhrif sem nema um 1,2 milljörðum króna á afkomu fjórðungsins. Þá hefur dómurinn ekki áhrif á yfirstandandi söluferli Valitors að sögn bankans. Birtist í Fréttablaðinu Íslenskir bankar Mest lesið Langaði svakalega mikið í sleik við George Clooney Atvinnulíf Stöðva þurfi rányrkju bílastæðaeigenda Neytendur „Alls konar fólk heyrt í mér um alls konar hluti“ Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf 4,4 milljarðar til borgarinnar vegna framkvæmda á Hólmsheiði Viðskipti innlent Segir engar breytingar hafa verið gerðar á uppskrift SS pylsna Neytendur Nýtt trend: Engir yfirmenn á vinnustaðnum Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira
Færsluhirðinum Valitor, dótturfélagi Arion banka, er gert að greiða Datacell og Sunshine Press Productions (SPP) 1,2 milljarða króna í skaðabætur fyrir að slíta samningi um greiðslugátt fyrirvaralaust. Landsbankinn er í ábyrgð fyrir 456 milljónum króna af upphæðinni. Dómur var kveðinn upp í gær en forsaga málsins er sú að Wikileaks tók við styrkjum í gegnum greiðslugátt sem Datacell og SPP ráku. Greiðslugáttin var opnuð 7. júlí 2011 en degi síðar sleit Valitor samningnum fyrirvaralaust. Hæstiréttur sló því föstu með dómi vorið 2013 að riftun samningsins væri ólögmæt og frá þeim tíma hafa málaferli staðið um skaðabótakröfur vegna riftunar. Dómkvaddir matsmenn mátu tjónið á 3,2 milljarða. Dómarar í málinu töldu að veikleikar væru á þeim forsendum sem tölfræðilegir útreikningar matsmanna byggðust á og því væri ekki unnt að leggja niðurstöðu matsgerðarinnar til grundvallar sem sönnunargagn um umfang tjónsins. „Samkvæmt niðurstöðu dómkvaddra matsmanna nam tjónið 3,2 milljörðum en dómarinn víkur því til hliðar og fer niður í 1,2 milljarða. Maður vonaðist nú ekki til að þeir myndu ýta matinu til hliðar. Svo erum við ekki sáttir við dráttarvextina en þetta er samt sigur,“ segir Sveinn Andri Sveinsson, lögmaður Datacell og Sunshine Press, í samtali við Fréttablaðið en krafa um vexti og dráttarvexti aftur í tímann kom ekki til álita. Þá hljóðaði aðalkrafa Datacell og SPP í málinu upp á 8,1 milljarð. Ábyrgist 38 prósent Ljóst er að Landsbankinn muni þurfa að greiða 456 milljónir af heildarfjárhæðinni sem Valitor var dæmt til að greiða. Ástæðan er sú að þegar Landsbankinn seldi eignarhlut sinn í Valitor til Arion banka í desember 2014 gekkst Landsbankinn í ábyrgðir fyrir 38 prósentum af þeim upphæðum sem Valitor kynni að þurfa að greiða vegna fjögurra mála. Þeirra á meðal var málarekstur Datacell og Sunshine Press Productions (SPP) gegn Valitor. Í kjölfar dómsins gaf Valitor út að málinu verði líklega áfrýjað til Landsréttar. Félagið furðaði sig á niðurstöðunni, sérstaklega varðandi SPP þar sem það hefði aldrei átt í neinu viðskiptasambandi við færsluhirðinn. Auk þess hefði SPP aldrei haft nema hverfandi tekjur en engu að síður gert margra milljarða dómskröfu á hendur fyrirtækinu. Þá benti fyrirtækið á að einn þriggja dómara hefði skilað séráliti og viljað sýkna Valitor. Í séráliti Kjartans Bjarna Björgvinssonar héraðsdómara kemur fram að hann sé sammála meirihluta dómara um að riftun samningsins hafi leitt til fjárhagslegs tjóns. Hins vegar sé hann ósammála því að skilyrði sé fyrir því að ákvarða Datacell og SPP skaðabætur að álitum. Stefnendur hafi ekki fært nægilegar sönnur á fjártjón sitt og því beri að sýkna Valitor af kröfum þeirra. Arion banki sendi frá sér tilkynningu í gær þar sem fram kom að dómurinn hefði neikvæð áhrif á afkomu bankasamstæðunnar á fyrsta ársfjórðungi sem nema um 600 milljónum króna að teknu tilliti til skattaáhrifa. Þessi dómur, gjaldþrot WOW air og sala bankans á eignarhlut í Farice hefðu samanlagt neikvæð áhrif sem nema um 1,2 milljörðum króna á afkomu fjórðungsins. Þá hefur dómurinn ekki áhrif á yfirstandandi söluferli Valitors að sögn bankans.
Birtist í Fréttablaðinu Íslenskir bankar Mest lesið Langaði svakalega mikið í sleik við George Clooney Atvinnulíf Stöðva þurfi rányrkju bílastæðaeigenda Neytendur „Alls konar fólk heyrt í mér um alls konar hluti“ Viðskipti innlent Skuldar félagi Einars 44 milljónir og gæti misst 295 milljóna hús Viðskipti innlent Fegurð er glæpur kom út í mínus Viðskipti innlent Atvinnumissir: „Ég kunni nú ekki við að spyrja Jón beint“ Atvinnulíf 4,4 milljarðar til borgarinnar vegna framkvæmda á Hólmsheiði Viðskipti innlent Segir engar breytingar hafa verið gerðar á uppskrift SS pylsna Neytendur Nýtt trend: Engir yfirmenn á vinnustaðnum Atvinnulíf Stýrivextir lækkaðir í Bandaríkjunum í fyrsta sinn í fjögur ár Viðskipti erlent Fleiri fréttir 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjúkratryggingar grunaðar um ríkisaðstoð Sparar kylfingum tíma með rástímaleitarsíðu Sótti 410 milljónir og margfaldaði starfsmannafjöldann Aðgerðir stjórnvalda eigi líka að taka mið af æviskeiði Steinar fjárfestir í Snjallgögnum Bjørn Richard til liðs við Athygli Fljúga til Gautaborgar næsta sumar Meirihluti auglýstra nýbygginga óseldur Sjálfbærnisviðið lagt niður og Erla Ósk hættir Hafsteinn Dan nýr lagaprófessor við HR Ráðin nýr yfirlögfræðingur Hugverkastofunnar Hafa ekki tekið ákvörðun um vaxtahækkun „Þetta hefur slæm áhrif á heimilin sem hafa augljóslega minna á milli handanna“ Flytja Friday's innan Smáralindar og fjölga stöðunum Kröfur upp á um 13 milljarða í þrotabú Skagans 3X Íslandsbanki hækkar líka vexti verðtryggðra lána Séreign inn á húsnæðislán hafi nýst sterkefnuðum mest Ver vaxtahækkunina: Ekki hægt að selja brauðið ódýrara en hveitið Hafa veitt virkjunarleyfi fyrir Hvammsvirkjun Ekki króna í þrotabúi Base parking Sjá meira