Juventus sagt hafa áhuga á Salah

Sky News í Arabíu segist hafa heimildir fyrir því að Juventus ætli að reyna að kaupa Mohamed Salah frá Liverpool í sumar.

Stjarna Juventus, Cristiano Ronaldo, er víst spennt fyrir því að fá Salah til félagsins og hermt er að Juve sé til í að greiða um 200 milljónir punda fyrir Egyptann.

Ekki er þó víst að sú upphæð dugi til eða einhver upphæð yfir höfuð. Liverpool hefur engan áhuga á að selja.

Félagið er á stöðugri uppleið með Salah sem aðalmann og verki hans hjá Liverpool er ekki lokið.