Heita fundar­launum fyrir stolna Land Rover jeppann

Eigendur Land Rover jeppa, sem stolið var frá Bjarnarstíg á Skólavörðuholti í Reykjavík í fyrrinótt, hafa heitið fundarlaunum fyrir bílinn.

Soffía Sigurgeirsdóttir, annar eigandi bílsins, segir í samtali við Vísi að ákveðið hafi verið að bjóða 200 þúsund króna fundarlaun. Sé það hennar von að þannig sé líklegra að jeppinn komist í leitirnar.

Soffía segir að enn sé bíllinn ófundinn en að tvær ábendingar hafi borist lögreglu um að bílnum hafi verið ekið á Miklubraut í vesturátt um klukkan 8:35 í morgun. Lögreglu tókst þó ekki að hafa uppi á bílnum þá.

Bíllinn sem um ræðir er af gerðinni Land Rover Discovery, svartur og árgerð 2014. Bílnúmerið er TL-L94.

Uppfært 24. janúar: Bíllinn fannst í Breiðholti