Stuðningsmaður í fimm leikja bann fyrir ummæli á Twitter

Stuðningsmaður Brighton hefur verið settur í fimm leikja bann fyrir að missa sig algjörlega á Twitter.

Stuðningsmaðurinn var þá með viðbjóðsleg tíst um Cyrille Regis sem lést fyrir ári síðan. Brighton bárust margar ábendingar um hegðun mannsins á samfélagsmiðlinum.

Sá hefur síðan fjarlægt færslurnar og beðist afsökunar á hegðun sinni. Hann fær þó fimm leikja bannið.

Tístin lét stuðningsmaðurinn falla eftir að búið var að draga í fjórðu umferð ensku bikarkeppninnar. Sá dráttur fór augljóslega eitthvað illa með hann.