Erlent

Segist í raun hafa rekið Mattis

Tryggvi Páll Tryggvason skrifar
Trump og Mattis á góðri stundu.
Trump og Mattis á góðri stundu. Drew Angerer/Getty
Donald Trump, forseti Bandaríkjanna, segist í raun hafa rekið James Mattis, fyrrverandi varnarmálaráðherra Bandaríkjanna. Mattis sagði að af sér í síðasta mánuði vegna þess hann deildi ekki sömu heimsmynd og forsetinn.

„Ég óska honum velfarnaðar en eins og þið vitið þá rak Obama forseti hann og ég gerði það í raun líka,“ sagði Trump í Hvíta húsinu í dag.

Barack Obama, forveri Trump í starfi, rak Mattis úr yfirstjórn bandaríska hersins árið 2013 eftir að þeir urðu ósammála um hvernig ætti að taka á málefnum Írans.

Talið er að Mattis hafi hætt í ríkisstjórn Trump vegna ósættis við ákvörðun forsetans um að draga herlið Bandaríkjanna til baka frá Sýrlandi,ákvörðun sem kom mörgum í opna skjöldu.

Mattis átti reyndar ekki að láta af störfum fyrr en eftir tvo mánuði en Trump ákvað að Mattis skyldi hverfa úr embætti á nýársdag.

„Hvað hefur hann gert fyrir mig. Hvernig stóð hann sig í Afganistan? Ekki svo vel, ekki svo vel. Ég er ekki ánægður með hvernig hann stóð sig í Afganistan,“ sagði Trump.

Bandaríkin Donald Trump Íran

Tengdar fréttir

Mattis hættir sem varnarmálaráðherra

Samband hans og Trump hefur þó beðið hnekki að undanförnu og var hann verulega andsnúinn ákvörðun Trump að draga hermenn Bandaríkjanna í skyndi frá Sýrlandi.

Mest lesið


Fleiri fréttir

Sjá meira


×

Mest lesið