Von á nýrri úttekt Innri endurskoðunar vegna fjögurra verkefna

Innri endurskoðun sem fer með fjármála-og stjórnsýslueftirlit hjá Reykjavíkurborg skilar eftir nokkrar vikur skýrslu um fjögur framúrkeyrsluverkefni að því er fram kemur í kvöldfréttum Ríkisútvarpsins.

Skýrslan fjallar um úttektir á Sundhöll Reykjavíkur, Mathöllinni á Hlemmi, Vesturbæjarskóla og hjólastígunum á Grensásvegi.

Í gær birti Innri endurskoðun Reykjavíkurborgar skýrslu um endurgerð Braggans við Nauthólsveg 100 en í henni kom fram að koma hefði mátt í veg fyrir framúrkeyrsluna ef gerðar hefðu verið úrbætur í samræmi við ábendingar frá árinu 2015 og þá hafi sveitarstjórnarlög og lög um skjalasöfn verið brotin.

Samtals fóru verkefnin fjögur mörg hundruð milljónir fram úr kostnaðaráætlun.