Leit að fimm bandarískum landgönguliðum við Japan hætt

Tilraunum Bandaríkjahers til að finna fimm landgönguliða sem saknað hefur verið eftir að tvær flugvélar flughersins rákust saman í síðustu viku hefur verið hætt. Fimm manna áhöfn eldsneytisflugvélar hafa verið lýstir látnir.

Flugvélarnar tvær rákust saman þegar verið var að æfa að dæla eldsneyti á milli þeirra á flugi um 320 kílómetrum undan ströndum Japans á þriðjudag í síðustu viku. Áhafnar Hercules-flutningaflugvélarinnar hefur verið saknað síðan.

Tveir flugmenn Hornet-orrustuþotunnar fundust á lífi en annar þeirra lést af sárum sínum, að því er segir í frétt Reuters.