Óttast að niðurstöðum fyrstu kosninganna frá valdaráni verði hagrætt Þórgnýr Einar Albertsson skrifar 18. desember 2018 08:30 Taílendingar eru margir orðnir langþreyttir á biðinni eftir kosningum. Þessi kona mótmælti töfinni á fjöldafundi fyrr á árinu. Nordicphotos/AFP Helstu gagnrýnendur herforingjastjórnarinnar í Taílandi lýsa yfir áhyggjum af því að komandi þingkosningar verði marklaus sýndarleikur. Þetta kom fram í umfjöllun Reuters. Kosningarnar fara fram þann 24. febrúar næstkomandi en boðað var til þeirra í síðustu viku. Í október 2017 sagði Prayut Chan-o-cha forsætisráðherra að kosningarnar myndu fara fram í nóvember 2018 en svo varð ekki. Hann hafði einnig lofað því að atkvæðagreiðslan yrði haldin 2017. Um er að ræða fyrstu kosningarnar frá valdaráni hersins árið 2014. Á þeim tíma hafði Yingluck Shinawatra forsætisráðherra fengið Bhumibol Adulyadej konung til að leysa upp þingið og boða til nýrra kosninga. Demókrataflokkur Taílands, stærsti stjórnarandstöðuflokkurinn, sniðgekk þær kosningar og mótmælendur, sem vildu fremur sjá konunginn skipa umbótaráð en nýja ríkisstjórn, gerðu mörgum ómögulegt að taka þátt í kosningunum. Því var kosningum frestað á sumum kjörstöðum. Það féll ekki í kramið hjá stjórnlagarétti sem úrskurðaði kosningarnar ólöglegar. Nauðsynlegt er að kjósa á sama degi alls staðar. Boðað var til nýrra kosninga en ekkert varð af þeim þar sem herinn tók stjórnina og skipaði herforingjastjórn sem er enn við völd. Chan-o-cha hyggur á framboð í kosningunum og nýtur stuðnings nokkurra flokka þótt hann sé sjálfur óháður og stýri fyrir hönd hersins. Undanfarnar kannanir hafa sýnt fram á að flestir vilji sjá hann leiða Taíland áfram. Hann mældist með 27 prósent í könnun Rangsit-háskóla í lok nóvember. Forsætisráðherraefni Flokksins fyrir Taílendinga, Sudarat Keyuraphan, mælist með 18 prósent. Þá mælist Abhisit Vejjajiva úr Demókrötum með 15,5 prósent og Thanathorn Juangroongruangkit úr Framtíðarflokknum með um tíu prósenta stuðning. Sé horft til stuðnings við flokka mældist Phalang Pracharat, flokkur nokkurra ráðherra herforingjastjórnarinnar, með 26,6 prósent. Flokkurinn fyrir Taílendinga, sem Shinawatra-systkini stýrðu og hefur notið mests fylgis í öllum kosningum frá 2001, mælist með 23,6 prósent, Demókratar nítján og Framtíðarflokkurinn níu. En aftur að fyrrnefndum áhyggjum stjórnarandstæðinga. Í samtali við Reuters sagði Thitinan Pongsudhirak, stjórnmálafræðingur við Chulalongkorn-háskóla, að herforingjastjórnin hefði með skipulögðum hætti grafið undan taílensku lýðræði. Til dæmis með nýrri stjórnarskrá sem innleidd var 2016. „Ástæðan fyrir því að margir álíta komandi kosningar spilltar er sú að herinn lætur eins og þær séu tandurhreinar þegar þær eru í raun rotnar,“ sagði Thitinan. Stjórnin hefur að auki verið sökuð um að breyta kjördæmamörkum sér í hag og gera kjörseðla flóknari í því skyni að lágmarka kjörsókn og hámarka fjölda ógildra atkvæða. Minna má á að herforingjastjórnin lagði bann við pólitísku athæfi á sínum tíma en því var aflétt í síðustu viku þegar boðað var til kosninga. Herinn hafnar ásökunum sem þessum. „Ef ríkisstjórnin vildi halda völdum af hverju væri hún þá að boða til kosninga?“ spurði upplýsingafulltrúi stjórnarinnar blaðamann Reuters. Ljóst er þó að ýmsir ráðherrar vilja greinilega halda völdum, annars væru þeir ekki í framboði. Asía Birtist í Fréttablaðinu Taíland Mest lesið Barnasáttmálinn verið þverbrotinn í barnvænu sveitarfélagi Innlent Þorgerður niðurlægi konur með því að kalla Trump heillandi Innlent „Þetta er svona hús sem er alltaf verið að flytja í og úr“ Innlent Veik stofnun skaði fjárhag ríkissjóðs Innlent Stofna sérstakan dómstól vegna árásarglæpa Rússa Erlent Tók í spaðann á Trump: „Hann er nú heillandi, karlinn“ Erlent Orð Kristrúnar vöktu „gott bros“ Bandaríkjaforseta Innlent Kristrún missti af fundi með Selenskí Erlent Bassi Maraj sakfelldur fyrir líkamsárás Innlent Segja manninn hafa glímt við alvarleg veikindi Innlent Fleiri fréttir Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Handtóku Evrópubúa sakaðan um njósnir fyrir Ísrael Byrjað að smella af með stærstu myndavél í heimi Meira örplast í flöskum úr gleri en plasti Hífðu lystisnekkjuna sem sökk upp úr sjónum við Sikiley Sjá meira
Helstu gagnrýnendur herforingjastjórnarinnar í Taílandi lýsa yfir áhyggjum af því að komandi þingkosningar verði marklaus sýndarleikur. Þetta kom fram í umfjöllun Reuters. Kosningarnar fara fram þann 24. febrúar næstkomandi en boðað var til þeirra í síðustu viku. Í október 2017 sagði Prayut Chan-o-cha forsætisráðherra að kosningarnar myndu fara fram í nóvember 2018 en svo varð ekki. Hann hafði einnig lofað því að atkvæðagreiðslan yrði haldin 2017. Um er að ræða fyrstu kosningarnar frá valdaráni hersins árið 2014. Á þeim tíma hafði Yingluck Shinawatra forsætisráðherra fengið Bhumibol Adulyadej konung til að leysa upp þingið og boða til nýrra kosninga. Demókrataflokkur Taílands, stærsti stjórnarandstöðuflokkurinn, sniðgekk þær kosningar og mótmælendur, sem vildu fremur sjá konunginn skipa umbótaráð en nýja ríkisstjórn, gerðu mörgum ómögulegt að taka þátt í kosningunum. Því var kosningum frestað á sumum kjörstöðum. Það féll ekki í kramið hjá stjórnlagarétti sem úrskurðaði kosningarnar ólöglegar. Nauðsynlegt er að kjósa á sama degi alls staðar. Boðað var til nýrra kosninga en ekkert varð af þeim þar sem herinn tók stjórnina og skipaði herforingjastjórn sem er enn við völd. Chan-o-cha hyggur á framboð í kosningunum og nýtur stuðnings nokkurra flokka þótt hann sé sjálfur óháður og stýri fyrir hönd hersins. Undanfarnar kannanir hafa sýnt fram á að flestir vilji sjá hann leiða Taíland áfram. Hann mældist með 27 prósent í könnun Rangsit-háskóla í lok nóvember. Forsætisráðherraefni Flokksins fyrir Taílendinga, Sudarat Keyuraphan, mælist með 18 prósent. Þá mælist Abhisit Vejjajiva úr Demókrötum með 15,5 prósent og Thanathorn Juangroongruangkit úr Framtíðarflokknum með um tíu prósenta stuðning. Sé horft til stuðnings við flokka mældist Phalang Pracharat, flokkur nokkurra ráðherra herforingjastjórnarinnar, með 26,6 prósent. Flokkurinn fyrir Taílendinga, sem Shinawatra-systkini stýrðu og hefur notið mests fylgis í öllum kosningum frá 2001, mælist með 23,6 prósent, Demókratar nítján og Framtíðarflokkurinn níu. En aftur að fyrrnefndum áhyggjum stjórnarandstæðinga. Í samtali við Reuters sagði Thitinan Pongsudhirak, stjórnmálafræðingur við Chulalongkorn-háskóla, að herforingjastjórnin hefði með skipulögðum hætti grafið undan taílensku lýðræði. Til dæmis með nýrri stjórnarskrá sem innleidd var 2016. „Ástæðan fyrir því að margir álíta komandi kosningar spilltar er sú að herinn lætur eins og þær séu tandurhreinar þegar þær eru í raun rotnar,“ sagði Thitinan. Stjórnin hefur að auki verið sökuð um að breyta kjördæmamörkum sér í hag og gera kjörseðla flóknari í því skyni að lágmarka kjörsókn og hámarka fjölda ógildra atkvæða. Minna má á að herforingjastjórnin lagði bann við pólitísku athæfi á sínum tíma en því var aflétt í síðustu viku þegar boðað var til kosninga. Herinn hafnar ásökunum sem þessum. „Ef ríkisstjórnin vildi halda völdum af hverju væri hún þá að boða til kosninga?“ spurði upplýsingafulltrúi stjórnarinnar blaðamann Reuters. Ljóst er þó að ýmsir ráðherrar vilja greinilega halda völdum, annars væru þeir ekki í framboði.
Asía Birtist í Fréttablaðinu Taíland Mest lesið Barnasáttmálinn verið þverbrotinn í barnvænu sveitarfélagi Innlent Þorgerður niðurlægi konur með því að kalla Trump heillandi Innlent „Þetta er svona hús sem er alltaf verið að flytja í og úr“ Innlent Veik stofnun skaði fjárhag ríkissjóðs Innlent Stofna sérstakan dómstól vegna árásarglæpa Rússa Erlent Tók í spaðann á Trump: „Hann er nú heillandi, karlinn“ Erlent Orð Kristrúnar vöktu „gott bros“ Bandaríkjaforseta Innlent Kristrún missti af fundi með Selenskí Erlent Bassi Maraj sakfelldur fyrir líkamsárás Innlent Segja manninn hafa glímt við alvarleg veikindi Innlent Fleiri fréttir Stofna sérstakan dómstól vegna árásarglæpa Rússa Segist funda með ráðamönnum Íran í næstu viku Trump íhugar að láta Úkraínumenn fá fleiri Patriot-kerfi Kristrún missti af fundi með Selenskí Tók í spaðann á Trump: „Hann er nú heillandi, karlinn“ Segir Spánverja munu borga fyrir að borga ekki nóg Lögðu grunninn að „sterkara, sanngjarnara og banvænna“ NATO Telur engan vafa um að Bandaríkin verji bandamenn sína Biðst afsökunar á gyðingahatri Svíþjóðardemókrata Diddy ætlar ekki að bera vitni Trump gefur lítið fyrir Pentagon skýrsluna og segir árásina hafa heppnast fullkomlega 33 ára sósíalisti hafði betur gegn Cuomo í New York Bretar eignast aftur herþotur sem geta flutt kjarnorkuvopn Myndaveisla: Fyrsti dagur leiðtogafundar Atlantshafsbandalagsins Æsispennandi forval: Framtíð Demókrataflokksins gæti ráðist í New York Átök í Miðausturlöndum: „Erfitt að meta hvað er í raun og veru í gangi“ Ný skýrsla: Bandaríkjunum mistókst að eyðileggja kjarnorkumannvirki Írana „Þrátt fyrir allan þennan vígbúnað þá er þetta mjög vinalegt“ „Honum fylgir auðvitað ákveðinn ófyrirsjáanleiki“ Óbreyttir borgarar féllu í árásum Rússa á úkraínskar borgir Íranir neita að hafa skotið eldflaugum Áhrifavaldur sakaður um að bera ábyrgð á dauða dóttur sinnar Segir vopnahlé í höfn Trump þakkar Írönum fyrir að láta vita af sér Rýma sextán þorp vegna gróðurelda í Grikklandi Íranir ráðast á herstöð Bandaríkjamanna í Katar Handtóku Evrópubúa sakaðan um njósnir fyrir Ísrael Byrjað að smella af með stærstu myndavél í heimi Meira örplast í flöskum úr gleri en plasti Hífðu lystisnekkjuna sem sökk upp úr sjónum við Sikiley Sjá meira