Róbert Ísak Norðurlandsmeistari

Róbert Ísak Jónsson tryggði sér í dag Norðurlandsmeistaratitilinn í 200 metra skriðsundi á NM fatlaðra í sundi í 25 metra laug sem fer fram þessa dagana í Oulu í Finnlandi. Þórey Ísafold Magnúsdóttir fékk silfur.

Róbert Ísak kom í mark á 2:00:60 mínútum en hann var á undan Finnanum Nader Khalili og Svíanum Tobias Klasson.

Róbert Ísak keppir í S14 flokki en hann vann tvenn silfurverðlaun á Evrópumeistaramótinu fyrr á þessu ári.

Þórey Ísafold Magnúsdóttir fékk silfurveðrlaun í 100 metra bringusundi þegar húj kom í mark á 1:26:22 mínútum. Thelma Björg Björnsdóttir varð fjórða á 1:56:58 mínútum.