Fyrrverandi lögmaður Trump játar að hafa logið um viðskipti í Rússlandi Kjartan Kjartansson skrifar 29. nóvember 2018 21:08 Michael Cohen yfirgefur dómshúsið á Manhattan í dag. EPA/Justin Lane Michael Cohen, fyrrverandi persónulegur lögmaður Donalds Trump Bandaríkjaforseta, laug að þingnefndum um fasteignaverkefni sem Trump og fyrirtæki hans vann að í Moskvu á sama tíma og hann var í forsetaframboði. Cohen kom fyrir dómara í dag og játaði sök. Játning Cohen í dag þótti koma verulega á óvart. Í ágúst játaði hann á sig brot á kosningalögum sem tengdust greiðslum til klámmyndaleikkonu sem sagðist hafa átt í kynferðislegu sambandi við Trump. Gerði Cohen þá samkomulag við saksóknara Roberts Mueller, sérstaka rannsakandans sem stýrir Rússarannsókninni svonefndu, um samvinnu í skiptum fyrir mildari refsingu. Rannsóknin beinist að því hvort að framboð Trump hafi átt í samráði við útsendara rússneskra stjórnvalda um að hafa áhrif á forsetakosningarnar árið 2016. Brotin sem Cohen játaði á sig í dag vörðuðu lygar sem hann sagði þingmönnum í leyniþjónustunefndum öldungadeildar- og fulltrúadeildar Bandaríkjaþings í fyrra. Sagðist Cohen hafa vísvitandi logið til þess að styðja við opinberar yfirlýsingar Trump um að hann hefði ekki átt í neinum viðskiptum í Rússlandi. Í játningu Cohen kom fram að hann hefði logið fyrir mann sem er nefndur „einstaklingur 1“ í dómsskjölunum. Fyrir dómi sagði Cohen að það væri Trump forseti. „Ég gaf þessar röngu yfirlýsingar til þess að vera samkvæmur pólitískum skilaboðum einstaklings 1 og af hollustu við einstakling 1,“ sagði Cohen í dómsal í New York, að sögn Washington Post. Ekki er ljóst hvers vegna sérstaki rannsakandinn ákvað að krefja Cohen um aðra játningu nú. Cohen hefur þegar unnið með saksóknurum hans undanfarna mánuði. Mögulegt er talið að með þessum nýju brotum freisti saksóknarar þess að knýja Cohen til frekari samvinnu.President Donald Trump calls ex-attorney Michael Cohen a "weak person" who is "trying to get a reduced sentence" after Cohen's guilty plea pic.twitter.com/3OLDGFcyCm— CNN Politics (@CNNPolitics) November 29, 2018 Reyndu áfram við Trump-turn í Moskvu, þvert á yfirlýsingar Trump Í vitnisburði sínum fyrir þingnefndunum hélt Cohen því fram að tilraunum Trump og fyrirtækis hans til þess að reisa Trump-turn í Moskvu hefði lokið í janúar árið 2016, mánuði áður en fyrstu kosningarnar í forvali Repúblikanaflokksins fyrir forsetakosningarnar fóru fram. Þær tilraunir héldu hins vegar áfram fram á sumarið þegar kosningabaráttan í forvalinu var í hámæli, að því er segir í játningu Cohen nú. Cohen segist hafa upplýst Trump sjálfan um gang verkefnisins í Moskvu oftar en þrisvar. Lögmaðurinn hafði meðal annars samband við aðstoðarmann Vladímírs Pútín Rússlandsforseta vegna verkefnisins. Í kosningabaráttunni hélt Trump því ítrekað fram að hann ætti engra viðskiptahagsmuna að gæta í Rússlandi og hefur haldið sig við þær yfirlýsingar eftir að hann varð forseti. „Svo því sé haldið til haga, ég hef NÚLL fjárfestingar í Rússlandi,“ tísti Trump í júlí árið 2016. Trump fór ófögrum orðum um Cohen, náinn samstarfsmann sinn til fjölda ára, þegar fréttist af nýjustu játningu hans í dag. Hann kallaði Cohen „veikgeðja manneskju“ og að hann hefði ekki gert neitt rangt. „Michael Cohen lýgur og hann er að reyna að draga úr refsingu fyrir hluti sem hafa ekkert með mig að gera. Þetta var verkefni sem við gerðum ekki, ég gerði ekki… Það hefði ekki verið neitt rangt við það ef við hefðum gert það,“ sagði Trump við fréttamenn við Hvíta húsið í dag. Þá virtist forsetinn skýra tilraunirnar til að ná samningi í Rússlandi á sama tíma og hann bauð sig fram til kosninga með því að sigurlíkur hans hafi ekki verið miklar. „Það var góður möguleiki á að ég hefði ekki unnið, í því tilfelli hefði ég snúið aftur í viðskiptin og hvers ætti ég að missa af fullt af tækifærum?“ sagði Trump sem hefur ítrekað neitað að veita upplýsingar um fjármál sín og hagsmunatengsl. Þegar hann var spurður hvers vegna hann hefði haft Cohen svo lengi í vinnu ef hann væri í raun svo léleg manneskja eins og hann lýsti sagði Trump að lögmaðurinn hefði „gert sér greiða“ fyrir mörgum árum. Bandaríkin Donald Trump Rússarannsóknin Rússland Tengdar fréttir Fyrrverandi lögmaður Trump skráir sig í Demókrataflokkinn Lanny Davis, verjandi Cohens, tilkynnti um ákvörðun Cohens á Twitter-reikningi sínum í dag. 11. október 2018 23:30 Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Leigubílstjórar ósáttir við lokun skúrsins: „Aumingjaskapur í þeim“ Innlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Strætó dældi milljónum í öryggisgæslu í Mjódd Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Sérsveitin kölluð út vegna vopnaðs manns Innlent Fleiri fréttir Segir nafn Trumps vera í Epstein-skjölunum Trump segist „mjög vonsvikinn“ út í Elon og ekki viss um að þeir geti átt gott samband Ákærð fyrir að myrða táning en líkið enn ófundið Sagður verulega ósáttur við gagnrýni Musks Fíll ruddist inn í matvöruverslun Bannar nú erlenda nemendur í Harvard á grunni þjóðaröryggis Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Leggur fram vantrauststillögu á eigin ríkisstjórn Parks & Rec leikari skotinn af nágranna sínum Frakklandsforseti heimsækir Grænland Wilders slítur ríkisstjórnarsamstarfinu Með sömu óásættanlegu kröfurnar Saka Ísraelsher aftur um að hafa skotið á hóp sem beið eftir hjálpargögnum Skipulagði árásina í Colorado í heilt ár Sjá meira
Michael Cohen, fyrrverandi persónulegur lögmaður Donalds Trump Bandaríkjaforseta, laug að þingnefndum um fasteignaverkefni sem Trump og fyrirtæki hans vann að í Moskvu á sama tíma og hann var í forsetaframboði. Cohen kom fyrir dómara í dag og játaði sök. Játning Cohen í dag þótti koma verulega á óvart. Í ágúst játaði hann á sig brot á kosningalögum sem tengdust greiðslum til klámmyndaleikkonu sem sagðist hafa átt í kynferðislegu sambandi við Trump. Gerði Cohen þá samkomulag við saksóknara Roberts Mueller, sérstaka rannsakandans sem stýrir Rússarannsókninni svonefndu, um samvinnu í skiptum fyrir mildari refsingu. Rannsóknin beinist að því hvort að framboð Trump hafi átt í samráði við útsendara rússneskra stjórnvalda um að hafa áhrif á forsetakosningarnar árið 2016. Brotin sem Cohen játaði á sig í dag vörðuðu lygar sem hann sagði þingmönnum í leyniþjónustunefndum öldungadeildar- og fulltrúadeildar Bandaríkjaþings í fyrra. Sagðist Cohen hafa vísvitandi logið til þess að styðja við opinberar yfirlýsingar Trump um að hann hefði ekki átt í neinum viðskiptum í Rússlandi. Í játningu Cohen kom fram að hann hefði logið fyrir mann sem er nefndur „einstaklingur 1“ í dómsskjölunum. Fyrir dómi sagði Cohen að það væri Trump forseti. „Ég gaf þessar röngu yfirlýsingar til þess að vera samkvæmur pólitískum skilaboðum einstaklings 1 og af hollustu við einstakling 1,“ sagði Cohen í dómsal í New York, að sögn Washington Post. Ekki er ljóst hvers vegna sérstaki rannsakandinn ákvað að krefja Cohen um aðra játningu nú. Cohen hefur þegar unnið með saksóknurum hans undanfarna mánuði. Mögulegt er talið að með þessum nýju brotum freisti saksóknarar þess að knýja Cohen til frekari samvinnu.President Donald Trump calls ex-attorney Michael Cohen a "weak person" who is "trying to get a reduced sentence" after Cohen's guilty plea pic.twitter.com/3OLDGFcyCm— CNN Politics (@CNNPolitics) November 29, 2018 Reyndu áfram við Trump-turn í Moskvu, þvert á yfirlýsingar Trump Í vitnisburði sínum fyrir þingnefndunum hélt Cohen því fram að tilraunum Trump og fyrirtækis hans til þess að reisa Trump-turn í Moskvu hefði lokið í janúar árið 2016, mánuði áður en fyrstu kosningarnar í forvali Repúblikanaflokksins fyrir forsetakosningarnar fóru fram. Þær tilraunir héldu hins vegar áfram fram á sumarið þegar kosningabaráttan í forvalinu var í hámæli, að því er segir í játningu Cohen nú. Cohen segist hafa upplýst Trump sjálfan um gang verkefnisins í Moskvu oftar en þrisvar. Lögmaðurinn hafði meðal annars samband við aðstoðarmann Vladímírs Pútín Rússlandsforseta vegna verkefnisins. Í kosningabaráttunni hélt Trump því ítrekað fram að hann ætti engra viðskiptahagsmuna að gæta í Rússlandi og hefur haldið sig við þær yfirlýsingar eftir að hann varð forseti. „Svo því sé haldið til haga, ég hef NÚLL fjárfestingar í Rússlandi,“ tísti Trump í júlí árið 2016. Trump fór ófögrum orðum um Cohen, náinn samstarfsmann sinn til fjölda ára, þegar fréttist af nýjustu játningu hans í dag. Hann kallaði Cohen „veikgeðja manneskju“ og að hann hefði ekki gert neitt rangt. „Michael Cohen lýgur og hann er að reyna að draga úr refsingu fyrir hluti sem hafa ekkert með mig að gera. Þetta var verkefni sem við gerðum ekki, ég gerði ekki… Það hefði ekki verið neitt rangt við það ef við hefðum gert það,“ sagði Trump við fréttamenn við Hvíta húsið í dag. Þá virtist forsetinn skýra tilraunirnar til að ná samningi í Rússlandi á sama tíma og hann bauð sig fram til kosninga með því að sigurlíkur hans hafi ekki verið miklar. „Það var góður möguleiki á að ég hefði ekki unnið, í því tilfelli hefði ég snúið aftur í viðskiptin og hvers ætti ég að missa af fullt af tækifærum?“ sagði Trump sem hefur ítrekað neitað að veita upplýsingar um fjármál sín og hagsmunatengsl. Þegar hann var spurður hvers vegna hann hefði haft Cohen svo lengi í vinnu ef hann væri í raun svo léleg manneskja eins og hann lýsti sagði Trump að lögmaðurinn hefði „gert sér greiða“ fyrir mörgum árum.
Bandaríkin Donald Trump Rússarannsóknin Rússland Tengdar fréttir Fyrrverandi lögmaður Trump skráir sig í Demókrataflokkinn Lanny Davis, verjandi Cohens, tilkynnti um ákvörðun Cohens á Twitter-reikningi sínum í dag. 11. október 2018 23:30 Mest lesið Málinu lokið með sátt: „Við erum mjög sáttar með niðurstöðuna“ Innlent Dómur yfir Erni Geirdal mildaður Innlent Sári djúpt snortinn yfir stuðningi Innlent Leigubílstjórar ósáttir við lokun skúrsins: „Aumingjaskapur í þeim“ Innlent Biðjast afsökunar á ummælum björgunarmanns Innlent Ferðamaður ók húsbíl niður göngustíg Innlent Strætó dældi milljónum í öryggisgæslu í Mjódd Innlent Braust inn hjá vinsælum hársnyrti og hafði af honum vegabréfið Innlent Trump segist „mjög vonsvikinn“ út í Elon og ekki viss um að þeir geti átt gott samband Erlent Sérsveitin kölluð út vegna vopnaðs manns Innlent Fleiri fréttir Segir nafn Trumps vera í Epstein-skjölunum Trump segist „mjög vonsvikinn“ út í Elon og ekki viss um að þeir geti átt gott samband Ákærð fyrir að myrða táning en líkið enn ófundið Sagður verulega ósáttur við gagnrýni Musks Fíll ruddist inn í matvöruverslun Bannar nú erlenda nemendur í Harvard á grunni þjóðaröryggis Felldu tillögu um að olíusjóðurinn sniðgengi fyrirtæki á hernumdu svæðunum Krefst fimm prósenta til varnarmála: „Allir þurfa að leggja hönd á plóg“ Endurvekur ferðabannið Telja rúmensk glæpagengi smygla matarsendlum inn í Ósló Birtir þrisvar sinnum fleiri færslur en áður Svíar leigja fangelsispláss í Eistlandi Reyndi að bragðbæta baneitruðu máltíðina Musk hraunar yfir „stórt og fallegt“ frumvarp Trumps Rýming í Köln vegna þriggja sprengja frá seinni heimsstyrjöldinni Aftur hafin leit að Madeleine McCann Andstæðingi forsetans brottrekna spáð sigri í forsetakosningum Brúnni milli Rússlands og Krímskaga lokað eftir sprengingar Forsætisráðherra Hollands segir af sér Fjórir ákærðir í tengslum við morðið á C.Gambino Mun þingið fara fram hjá Trump? Víðir segist hafa tekið sjálfstæða ákvörðun í máli Oscars Yfirmaður FEMA sagðist ekki vita af tilvist fellibyljatímabila Leggur fram vantrauststillögu á eigin ríkisstjórn Parks & Rec leikari skotinn af nágranna sínum Frakklandsforseti heimsækir Grænland Wilders slítur ríkisstjórnarsamstarfinu Með sömu óásættanlegu kröfurnar Saka Ísraelsher aftur um að hafa skotið á hóp sem beið eftir hjálpargögnum Skipulagði árásina í Colorado í heilt ár Sjá meira
Fyrrverandi lögmaður Trump skráir sig í Demókrataflokkinn Lanny Davis, verjandi Cohens, tilkynnti um ákvörðun Cohens á Twitter-reikningi sínum í dag. 11. október 2018 23:30