Herra KR snýr heim | Geggjað upphitunarmyndband

Það er boðið upp á risaleik í Dominos-deild karla á Stöð 2 Sport í kvöld er KR tekur á móti Tindastóli. Þetta verður fyrsti stóri leikur Brynjars Þórs Björnssonar á sínum gamla heimavelli í búningi Tindastóls.

Það vakti eðlilega gríðarlega athygli er Brynjar Þór ákvað að söðla um og fara til Stólanna síðasta sumar. Hann hefur spilað með KR allan sinn feril og verið fyrirliði liðsins.

Hann var svo enn og aftur í lykilhlutverki á síðasta tímabili er KR vann Tindastól í rimmunni um Íslandsmeistaratitilinn. Sigurkarfa hans fyrir KR á Sauðárkróki ógleymanleg og fór langt með að tryggja KR titilinn.

Stefán Snær Geirmundsson, ofurklippari Stöðvar 2 Sports, skellti í þetta myndband hér að neðan til þess að hita upp fyrir leikinn.

Leikurinn hefst klukkan 20.00 og svo verður Dominos-körfuboltakvöld í kjölfarið á Stöð 2 Sport.