Bæjarins bestu hífðar aftur á sinn stað

Pylsuvagninn Bæjarins bestu við Tryggvagötu var hífður aftur á sinn gamla stað í morgun. Vagninn var færður fyrir þremur árum vegna byggingaframkvæmda en þar hafa verið seldar pylsur í rúmlega áttatíu ár.

Dagur B. Eggertsson, borgarstjóri, birti myndir og myndband af því þegar vagninn var hífður nokkra metra yfir Pósthússtrætið á samfélagsmiðlum í morgun. Hann hefur undanfarið staðið vestanmegin við gatnamót Tryggvagötu og Pósthússtrætis en færist nú aftur á gamalkunnar slóðir, hinum megin við götuna.

Þegar vagninn var færður í september árið 2015 sagði Guðrún Kristmundsdóttir, forstjóri Bæjarsins bestu, að aldrei hefði komið til greina að hann þyrfti að víkja alfarið vegna framkvæmdanna enda gerðu borgaryfirvöld sér grein fyrir hversu vinsæll hann væri, bæði hjá borgarbúum og ferðamönnum.

 

Posted by Dagur B. Eggertsson on Thursday, September 13, 2018