Leitinni að þeim sem var saknað eftir hrun Morandi brúarinnar í Genúa á Ítalíu lauk í nótt. Þrjú lík fundust í braki brúarinnar og tala látinna er nú komin upp í 43.
Leitaraðgerðir hafa staðið yfir síðan brúin hrundi á þriðjudag. Níu liggja á spítala eftir hrunið og þar af eru fjórir taldir vera enn í lífshættu.
Stefano Zanut hjá slökkviliði Genúa greindi frá því að slökkviliðið myndi gera allt sem í sínu valdi stæði til þess að tryggja að svæðið yrði öruggt sem allra fyrst og til þess að hægt væri að komast að niðurstöðu um ástæðu þess að brúin hrundi.
„Þrátt fyrir að leitinni hafi formlega verið hætt og allir sem saknað var séu fundnir munum við halda áfram störfum til þess að ganga úr skugga um að enginn verði eftir undir brakinu,“ sagði Zanut við ítölsku fréttaveituna Sky TG24.
Leitinni við brúna í Genúa lokið
Tengdar fréttir
Rekstraraðilar brúarinnar segja stjórnvöld fara fram úr sér
Forsvarsmenn fyrirtækisins Atlantia, sem er móðurfélag Autostrade, segja að ítalska ríkið geti ekki rift samningum við fyrirtækið án þess að sanna að fyrirtækið beri ábyrgð á hruni brúarinnar í Genúa.
Minnst 30 látnir í Genúa
Minnst 30 eru látnir eftir að langur kafli stórrar brúar í Genúa á Ítalíu hrundi í morgun.
Lofa að endurbyggja brúna í Genúa
Framkvæmdarstjóri og Stjórnarformaður Autostrade per l'Italia sem sáu um Morandi brúna sem hrundi á þriðjudaginn með þeim afleiðingum að 38 létust sátu fyrir svörum á blaðamannafundi í borginni í dag.
