Infowars bregst illa við banninu

Samsæriskenningasmiðurinn Alex Jones og vefsíða hans, Infowars, eru ógn við áform valdaelítunnar um að stofna tjáningar­frelsislaust heimsveldi. Þetta sagði á Infowars í gær. Apple, Facebook, YouTube og fleiri tæknirisar fjarlægðu á mánudag efni Infowars af veitum sínum og bönnuðu aðgang.

„Nokkrar ástæður eru fyrir þessu stríði gegn Jones og Infowars. Ein þeirra er sú að hann fylkti ómældum fjölda „fyrirlitlegra“ (e. deplor­ables) að baki Donald Trump og hjálpaði honum þannig að vinna forsetakosningarnar,“ skrifaði Paul Joseph Watson, pistlahöfundur Infowars, og vísaði þannig til hugtaks sem mótframbjóðandinn Hillary Clinton notaði um öfgafyllstu stuðningsmenn Trumps.