Mókrókar loka tónleikaröð sinni í Hörpu Andri Eysteinsson skrifar 15. júlí 2018 13:27 Mókrókar eru fjögurra manna hljómsveit sem kemst fyrir í þriggja manna sófa. Facebook/Mókrókar Rafdjasshljómsveitin Mókrókar munu spila á sínum fjórðu og jafnframt síðustu opnu sumartónleikum í Hörpu fimmtudaginn 19. júlí en sveitin hefur samið nýtt efni fyrir hverja einustu tónleika. Hljómsveitin Mókrókar samanstendur af fjórmenningunum Benjamín Gísla Einarssyni, hljómborðsleikara, Þorkatli Ragnari Grétarssyni, gítarleikara, Þóri Hólm Jónssyni trommuleikara og Tuma Torfasyni trompetleikara. Mókrókar voru stofnaðir af hinum þrem fyrstnefndu og tóku þeir þátt í Músíktilraunum í ár og höfnuðu þar í 2. sæti, auk þess hlaut Þorkell verðlaun sem besti gítarleikari, Þórir besti trommuleikari og sveitin fékk verðlaun fyrir að vera blúsaðasta bandið.Mókrókar léku á Secret Solstice í júníFacebook/MókrókarKynnast í tónlistarskóla FÍH „Við erum allir í hljóðfæranámi í tónlistarskóla FÍH, þar höfum við mikið spilað saman og kynnumst við“ segir Tumi Torfason trompetleikari sveitarinnar í samtali við Vísi. Tumi segir að sveitin hafi vegna árangurs síns í Músíktilraunum fengið pláss á Blúshátíð í Reykjavík sem haldin var í vor. Út frá Músíktilraunum fá Mókrókar inn á tónlistarhátíðirnar Secret Solstice og Iceland Airwaves. Strákunum bauðst einnig að taka þátt í verkefninu Stage Europe Network sem haldið var í Hollandi. Við það ákváðu Mókrókar að bjóða Tuma Torfason að vera með í hljómsveitinni. „Þegar strákarnir buðu mér í bandið hringdu þeir bara og spurðu hvort ég kæmi með þeim til Hollands, ég gat ekki annað en þegið boðið“ segir Tumi. Þorkell Ragnar Grétarsson gítarleikari á Westerpop hátíðinniFacebook/MókrókarBoðið að spila á hollenskri tónlistarhátíðStage Europe Network er samstarfsverkefni sem Hitt Húsið er aðili að ásamt fulltrúum 6 annarra landa. Hljómsveitir frá löndunum, búa saman í heila viku, spila saman og læra um tónlist og tónlistarbransann. Á meðan að á dvölinni í Hollandi stóð bauðst drengjunum að spila á tónlistarhátíðinni Westerpop í Delft í Hollandi. Þar beið Mókrókum erfitt verkefni þar sem þeir stigu á svið beint á eftir hollensku jazz/fönkstjörnunni Candy Dulfer. Mókrókar léku í óbærilegum hita fyrir framan nokkur þúsund gesti hátíðarinnar. „Þetta var mjög súrrealísk upplifun, óbærilegur hiti og stærsta crowd sem við höfum spilað fyrir, þetta viljum við fá að gera aftur.“Tumi Torfason og Benjamín Gísli EinarssonFacebook/MókrókarÞakklátir fyrir tækifærið Mókrókar eru hluti af listhópum Hins Hússins í sumar og eru þakklátir fyrir það tækifæri. „Þetta er einstakt tækifæri sem býðst ekki mörgum ungum tónlistarmönnum, vinna heilt sumar við að semja, æfa og koma fram.“ Mókrókar hafa nú þegar komið fram á þrennum opnum sumartónleikum og hafa flutt nýtt efni í hvert sinn. „Það hefur verið sérstaklega krefjandi, svona deadline hvetur mann til að skila af sér nýrri músík“ Engin breyting verður þar á fimmtudaginn næsta í Hörpu en þar munu Mókrókar flytja nýja tónlist sem Tumi lýsir sem rafdjassi með lifandi spuna, undir áhrifum frá fönk, fusion, progrokki og ýmsu öðru. Mókrókar hafa áður spilað í Hinu Húsinu, Dómkirkjunni og um borð í Varðskipinu Óðni allt hluti af tónleikaröð þeirra sem listhóps Hins Hússins.Þórir Hólm JónssonFacebook/MókrókarHvað tekur við eftir sumarið? „Mókrókar halda áfram af fullum krafti í haust, við erum komnir með nóg efni til að fara í hljóðver, að taka upp EP eða plötu, hún mun koma inn á Spotify, demó og live upptökur fara inn á Soundcloud.“ segir Tumi. „Við kíkjum kannski heim til Þorkels á Höfn í Hornafirði, aldrei að vita hvort við spilum þar.“ Strákarnir munu einnig koma fram á tónlistarhátíðinni Iceland Airwaves í haust og ljóst er að það verður gaman að hlusta á fagra tóna Mókróka á næstu árum. Hægt verður að sjá Mókróka í Hörpuhorni, Hörpunni klukkan 17:00 fimmtudaginn 19. júlí og er aðgangur ókeypis. Lífið Tónlist Mest lesið Nicole Kidman og Keith Urban hvort í sína átt Lífið Fjöldi fólks á frumsýningu kynlífsmyndbands Lífið Sakar rithöfunda um að vilja forðast umræðuna Menning „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Ung, upprennandi og sjóðheit stjarna á lausu Lífið Hneig niður í miðju lagi Tónlist Stjörnufans og forsetar á Rauðu myllunni Lífið „En áttu ekki dóttur?“ Lífið Íslensk kjötsúpa eins og hún gerist best Lífið Fleiri fréttir Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Sjá meira
Rafdjasshljómsveitin Mókrókar munu spila á sínum fjórðu og jafnframt síðustu opnu sumartónleikum í Hörpu fimmtudaginn 19. júlí en sveitin hefur samið nýtt efni fyrir hverja einustu tónleika. Hljómsveitin Mókrókar samanstendur af fjórmenningunum Benjamín Gísla Einarssyni, hljómborðsleikara, Þorkatli Ragnari Grétarssyni, gítarleikara, Þóri Hólm Jónssyni trommuleikara og Tuma Torfasyni trompetleikara. Mókrókar voru stofnaðir af hinum þrem fyrstnefndu og tóku þeir þátt í Músíktilraunum í ár og höfnuðu þar í 2. sæti, auk þess hlaut Þorkell verðlaun sem besti gítarleikari, Þórir besti trommuleikari og sveitin fékk verðlaun fyrir að vera blúsaðasta bandið.Mókrókar léku á Secret Solstice í júníFacebook/MókrókarKynnast í tónlistarskóla FÍH „Við erum allir í hljóðfæranámi í tónlistarskóla FÍH, þar höfum við mikið spilað saman og kynnumst við“ segir Tumi Torfason trompetleikari sveitarinnar í samtali við Vísi. Tumi segir að sveitin hafi vegna árangurs síns í Músíktilraunum fengið pláss á Blúshátíð í Reykjavík sem haldin var í vor. Út frá Músíktilraunum fá Mókrókar inn á tónlistarhátíðirnar Secret Solstice og Iceland Airwaves. Strákunum bauðst einnig að taka þátt í verkefninu Stage Europe Network sem haldið var í Hollandi. Við það ákváðu Mókrókar að bjóða Tuma Torfason að vera með í hljómsveitinni. „Þegar strákarnir buðu mér í bandið hringdu þeir bara og spurðu hvort ég kæmi með þeim til Hollands, ég gat ekki annað en þegið boðið“ segir Tumi. Þorkell Ragnar Grétarsson gítarleikari á Westerpop hátíðinniFacebook/MókrókarBoðið að spila á hollenskri tónlistarhátíðStage Europe Network er samstarfsverkefni sem Hitt Húsið er aðili að ásamt fulltrúum 6 annarra landa. Hljómsveitir frá löndunum, búa saman í heila viku, spila saman og læra um tónlist og tónlistarbransann. Á meðan að á dvölinni í Hollandi stóð bauðst drengjunum að spila á tónlistarhátíðinni Westerpop í Delft í Hollandi. Þar beið Mókrókum erfitt verkefni þar sem þeir stigu á svið beint á eftir hollensku jazz/fönkstjörnunni Candy Dulfer. Mókrókar léku í óbærilegum hita fyrir framan nokkur þúsund gesti hátíðarinnar. „Þetta var mjög súrrealísk upplifun, óbærilegur hiti og stærsta crowd sem við höfum spilað fyrir, þetta viljum við fá að gera aftur.“Tumi Torfason og Benjamín Gísli EinarssonFacebook/MókrókarÞakklátir fyrir tækifærið Mókrókar eru hluti af listhópum Hins Hússins í sumar og eru þakklátir fyrir það tækifæri. „Þetta er einstakt tækifæri sem býðst ekki mörgum ungum tónlistarmönnum, vinna heilt sumar við að semja, æfa og koma fram.“ Mókrókar hafa nú þegar komið fram á þrennum opnum sumartónleikum og hafa flutt nýtt efni í hvert sinn. „Það hefur verið sérstaklega krefjandi, svona deadline hvetur mann til að skila af sér nýrri músík“ Engin breyting verður þar á fimmtudaginn næsta í Hörpu en þar munu Mókrókar flytja nýja tónlist sem Tumi lýsir sem rafdjassi með lifandi spuna, undir áhrifum frá fönk, fusion, progrokki og ýmsu öðru. Mókrókar hafa áður spilað í Hinu Húsinu, Dómkirkjunni og um borð í Varðskipinu Óðni allt hluti af tónleikaröð þeirra sem listhóps Hins Hússins.Þórir Hólm JónssonFacebook/MókrókarHvað tekur við eftir sumarið? „Mókrókar halda áfram af fullum krafti í haust, við erum komnir með nóg efni til að fara í hljóðver, að taka upp EP eða plötu, hún mun koma inn á Spotify, demó og live upptökur fara inn á Soundcloud.“ segir Tumi. „Við kíkjum kannski heim til Þorkels á Höfn í Hornafirði, aldrei að vita hvort við spilum þar.“ Strákarnir munu einnig koma fram á tónlistarhátíðinni Iceland Airwaves í haust og ljóst er að það verður gaman að hlusta á fagra tóna Mókróka á næstu árum. Hægt verður að sjá Mókróka í Hörpuhorni, Hörpunni klukkan 17:00 fimmtudaginn 19. júlí og er aðgangur ókeypis.
Lífið Tónlist Mest lesið Nicole Kidman og Keith Urban hvort í sína átt Lífið Fjöldi fólks á frumsýningu kynlífsmyndbands Lífið Sakar rithöfunda um að vilja forðast umræðuna Menning „Það er ekkert sem læknar þetta alveg“ Lífið Stjörnulífið: Tatiana og Ragnar í kastala í Frakklandi Lífið Ung, upprennandi og sjóðheit stjarna á lausu Lífið Hneig niður í miðju lagi Tónlist Stjörnufans og forsetar á Rauðu myllunni Lífið „En áttu ekki dóttur?“ Lífið Íslensk kjötsúpa eins og hún gerist best Lífið Fleiri fréttir Nicole Kidman og Keith Urban hvort í sína átt Fjöldi fólks á frumsýningu kynlífsmyndbands „Erfitt að koma í veg fyrir slæm samskipti ef fólk segir ekki frá“ Viðkvæmar viðræður, lausn Assange og næstu skref WikiLeaks Íslensk kjötsúpa eins og hún gerist best Gjaldþrot Play setur RIFF úr skorðum: „Þetta kemur á versta tíma“ Stjörnufans og forsetar á Rauðu myllunni Ung, upprennandi og sjóðheit stjarna á lausu „Það er ekkert sem læknar þetta alveg“ Stjörnulífið: Tatiana og Ragnar í kastala í Frakklandi Egill og Thelma eiga von á sínu öðru barni Verður aðalnúmer hálfleikssýningar Ofurskálarinnar „En áttu ekki dóttur?“ Selena Gomez giftist Benny Blanco Krakkatían: Lestrarkeppni, flugumferð og leiksýning Rapparinn og málverndarsinninn frjáls ferða sinna Boðaði vinkonurnar í bústað eftir að hafa upplifað Tinder á sterum Fréttatía vikunnar: Moulin Rouge, Blóðbankinn og Eurovision „Lætur mér líða eins og tími minn í Hollywood hafi verið ómaksins virði“ Fögnuðu sögulegum 850 þúsund króna hátalara Ella Egils Björgvin Franz brotinn en slær í gegn í Ladda og ræktinni Sonur Fóstbróður slær í gegn: „Ég er fastur þarna núna, orðinn háður“ „Kristrún Frostadóttir frá... Finnlandi?“ Lamaðist og missti sjón en fann styrk í sjálfri sér Víkingur Heiðar hlaut mjög virt verðlaun Fyrstur til að skíða niður Everest án súrefnis „Það sýður miklu frekar upp úr við uppvaskið“ „Mjög fallegt“ hús og „fullfrágengin“ lóð Elli Egils hannaði hátalara fyrir Bang & Olufsen Elli Egils hélt að Elli Egils væri grín Sjá meira