Rútumiðstöð ekki í bága við skipulag

Samgöngumiðstöð rútufyrirtækja við Skógarhlíð 10 stangast ekki á við skipulag.

Þetta kemur fram í svari skipulagsfulltrúa Reykjavíkur til heilbrigðiseftirlitsins sem vildi fá úr þessu skorið eftir kvartanir frá óánægðum íbúum í Eskihlíð. Skipulagsfulltrúi segir að samkvæmt aðalskipulagi sé Skógarhlíð 10 á svokölluðu miðsvæði.

Sjá einnig: Á háa c-i yfir rútum í bakgarði

Samgöngumiðstöðvar geti verið starfræktar á þjónustusvæðum og miðsvæðum.

„Deiliskipulagið setur ekki skorður fyrir þeim rekstri sem nú er á lóðinni. Þjónusturekstur, til að mynda í formi samgöngumiðstöðvar, er því heimill bæði samkvæmt aðal- og deiliskipulagi,“ segir skipulagsfulltrúi.