Laxinn mættur í Borgarárnar Karl Lúðvíksson skrifar 11. júní 2018 10:00 Tekist á við lax í Teljarastreng. Mynd: SVFR Þrjár vinsælar og gjöfular laxveiðiár renna í borgarlandi Reykjavíkur og þrátt fyrir að þær opni ekki alveg strax er lax mættur í þær allar. Árni Baldursson hjá Lax-Á sá laxa í Leirvogsá fyrir nokkrum dögum og í gær sáust laxar undir brúnni. Veiði hefst ekki í Leirvogsá fyrr en 24. júní og það veit vonandi á góða opnun að sjá lax svona snemma en þessir laxar sem hafa sést voru allir greinilega tveggja ára laxar. Í Elliðaánum hafa fyrstu laxarnir verið að sýna sig á Breiðunni og í Sjávarfossi. Það eru ekki margir sem hafa sést en þeim á eftir að fjölga hratt næstu daga í vaxandi straum. Elliðaárnar opna 20. með viðhöfn eins og venjulega. Korpa/Úlfarsá er síðan áin sem allt of fáir kynnast en hún er lítil, nett og viðkvæm en í hana gengur töluvert af laxi og veiðin á hverju ári um 100-200 laxar á tvær stangir. Laxar sáust í gærmorgun í Berghyl og í ósnum. Það verður spennandi að fylgjast með opnunum í þessum ám en stórstraumur í júní verður 15. þessa mánaðar og þá koma gjarnan fyrstu stóru göngurnar í árnar á vesturlandi og það gæti þýtt flottar opnanir. Mest lesið Loksins, loksins! Frábært vatn í Norðurá Veiði Fréttir úr Ytri Rangá Veiði Góð veiði á silungasvæðinu í Vatnsdal Veiði Stóri sjóbirtingurinn mættur í Kjósina Veiði Veiðimenn hissa á boðsferð Sigmundar og Bjarna í Norðurá Veiði Veiðivísir gefur Veiðikortið 2016 Veiði Upptaka af erindi um lax og virkjanir Veiði 11 punda, spikfeitur og silfurgljáandi urriði úr Mjósundi í Laxá í Mývatnssveit Veiði Síðustu skiladagar fyrir hnýtingarkeppni framundan Veiði Laxinn mættur í fleiri ár Veiði
Þrjár vinsælar og gjöfular laxveiðiár renna í borgarlandi Reykjavíkur og þrátt fyrir að þær opni ekki alveg strax er lax mættur í þær allar. Árni Baldursson hjá Lax-Á sá laxa í Leirvogsá fyrir nokkrum dögum og í gær sáust laxar undir brúnni. Veiði hefst ekki í Leirvogsá fyrr en 24. júní og það veit vonandi á góða opnun að sjá lax svona snemma en þessir laxar sem hafa sést voru allir greinilega tveggja ára laxar. Í Elliðaánum hafa fyrstu laxarnir verið að sýna sig á Breiðunni og í Sjávarfossi. Það eru ekki margir sem hafa sést en þeim á eftir að fjölga hratt næstu daga í vaxandi straum. Elliðaárnar opna 20. með viðhöfn eins og venjulega. Korpa/Úlfarsá er síðan áin sem allt of fáir kynnast en hún er lítil, nett og viðkvæm en í hana gengur töluvert af laxi og veiðin á hverju ári um 100-200 laxar á tvær stangir. Laxar sáust í gærmorgun í Berghyl og í ósnum. Það verður spennandi að fylgjast með opnunum í þessum ám en stórstraumur í júní verður 15. þessa mánaðar og þá koma gjarnan fyrstu stóru göngurnar í árnar á vesturlandi og það gæti þýtt flottar opnanir.
Mest lesið Loksins, loksins! Frábært vatn í Norðurá Veiði Fréttir úr Ytri Rangá Veiði Góð veiði á silungasvæðinu í Vatnsdal Veiði Stóri sjóbirtingurinn mættur í Kjósina Veiði Veiðimenn hissa á boðsferð Sigmundar og Bjarna í Norðurá Veiði Veiðivísir gefur Veiðikortið 2016 Veiði Upptaka af erindi um lax og virkjanir Veiði 11 punda, spikfeitur og silfurgljáandi urriði úr Mjósundi í Laxá í Mývatnssveit Veiði Síðustu skiladagar fyrir hnýtingarkeppni framundan Veiði Laxinn mættur í fleiri ár Veiði