Einn alvarlega slasaður eftir bílslys á Reykjanesbraut

Einn er alvarlega slasaður eftir bílslys sem varð á Reykjanesbraut við Sprengisand seint á öðrum tímanum í dag, samkvæmt upplýsingum frá lögreglunni á höfuðborgarsvæðinu. Búið er að opna fyrir umferð um Bústaðaveg en veginum var lokað vegna slyssins.

Þrjár bifreiðar, tveir fólksbílar og flutningabíll, lentu í árekstrinum og voru tveir fluttir á slysadeild með sjúkrabíl. Þá hafa bifreiðarnar sem lentu í árekstrinum verið dregnar af slysstað en þær eru taldar nokkuð skemmdar.

Rannsókn lögreglu á tildrögum slyssins stendur enn yfir.