Messan: Sá enginn fyrir þessa innkomu hjá Mo Salah

Liverpool er öruggt með sæti í Meistaradeildinni á næstu leiktíð og er í úrslitaleik keppninnar. Strákarnir í Messunni renndu yfir tímabilið hjá liðinu í Bítlaborginni.

„Fremstu þrir leikmenn Liverpool hafa átt frábært tímabil. Sóknarleikurinn hefur verið mjög skemmtilegur og stabíll. Erfiðleikarnir í varnarleiknum hafa síðan farið minnkandi. Liðið er á réttri leið og er það gott að það getur vel unnið Real Madrid í einum leik,“ segir Ríkharður Daðason.

Hjörvar Hafliðason segir að eðlilega hafi lygileg frammistaða Mo Salah komið öllum á óvart.

„Salan á Coutinho hafði áhrif á liðið. Liverpool var með fleiri stig í fyrra en hélt fjórða sætinu. Það sá enginn fyrir þessa innkomu Mo Salah. Mig grunaði að hann yrði góður en aldrei svona. Þetta er einn albesti leikmaður sem hefur sést í ensku úrvalsdeildinni á undanförum árum.“

Sjá má umræðuna um Liverpool hér að neðan.