Þór/KA verður Íslandsmeistari annað árið í röð í Pepsi-deild kvenna ef spá þjálfara, fyrirliða og forráðamanna gengur upp en þessi árlega spá var opinberuð á kynningarfundi Pepsi-deildarinnar í dag.
Norðankonur unnu titilinn nokkuð örugglega á síðustu leiktíð og mæta með álíka sterkt ef ekki sterkara lið til leiks í sumar. Þór/KA vann bæði Lengjubikarinn og Meistarakeppni KSÍ í undirbúningi fyrir Íslandsmótið.
Valur og Stjarnan verða í næstu sætum og verða í harðri baráttu um silfrið ef marka má spánna en Grindavík og nýliðum HK/Víkings er spáð falil. Hinum nýliðunum í Selfossi er spáð 7. sæti og að liðið haldi sér auðveldlega í Pepsi-deildinni.
Opnunarleikur deildarinnar fer fram annað kvöld en þar mætast stórveldin Stjarnan og Breiðablik í beinni útsendingu á Stöð 2 Sport HD. Umferðin klárast svo á föstudag og laugardag.
Spá fyrirliða, þjálfara og forráðamanna 2018:
1. Þór/KA 269
2. Valur 228
3. Stjarnan 225
4. Breiðablik 196
5. FH 140
6. ÍBV 130
7. Selfoss 109
8. KR 86
9. HK/Víkingur 68
10. Grindavík 36
Meistararnir verja titilinn
