Þór/KA spáð Íslandsmeistaratitlinum

Pepsi deild kvenna hefst á morgun með stórleik Stjörnunnar og Breiðabliks á Samsung vellinum í Garðabæ. Þjálfarar og fyrirliðar í deildinni spá því að Íslandsmeistarar Þórs/KA sigri deildina aftur í ár.

Þór/KA var með yfirburða forystu í spánni, sem kynnt var á árlegum kynningarfundi Pepsi deildar kvenna sem fór fram í höfuðstöðvum KSÍ í Laugardalnum í dag. Val var spáð öðru sæti og Stjörnunni því þriðja.

Grindavík var spáð falli ásamt nýliðum HK/Víkings. Selfoss, hinir nýliðarnir í deildinni í sumar, var spað í 7. sæti.

1. Þór/KA - 269 stig.

2. Valur - 228 stig.

3. Stjarnan - 225 stig.

4. Breiðablik - 196 stig.

5. FH - 140 stig.

6. ÍBV - 130 stig.

7. Selfoss - 109 stig.

8. KR - 86 stig.

9. HK/Víkingur - 68 stig.

10. Grindavík - 36 stig.