Theodóra og Einar leiða sameiginlegan lista Bjartrar Framtíðar og Viðreisnar

Björt framtíð og Viðreisn stilla upp sameiginlegu framboði í Kópavogi fyrir sveitastjórnarkosningar 26. maí n.k. undir slagorðinu Kópavogur til framtíðar, að því er fram kemur í fréttatilkynningu frá framboðinu.

Theodóra Þorsteinsdóttir, lögfræðingur, formaður bæjarráðs Kópavogs og fyrrverandi þingmaður fyrir Bjarta framtíð, er oddviti listans. Einar Þorvarðarson, fyrrverandi landsliðsmaður í handknattleik og framkvæmdastjóri HSÍ til 17 ára, situr í öðru sæti.

„Á lista framboðsins er samhentur hópur fólks sem brennur fyrir málefni bæjarins og hefur fulla trú á því að hægt sé að gera góðan bæ betri,“ segir í tilkynningu.

Lista Bjartrar framtíðar og Viðreisnar, sem er fléttulisti og skipaður jafn mörgum konum og körlum, má sjá í heild hér að neðan:

1. Theodóra Þorsteinsdóttir, formaður bæjarráðs og lögfræðingur

2. Einar Þorvarðarson, framkvæmdastjóri og handboltaáhugamaður

3. Ragnhildur Reynisdóttir, ljósmóðir og sölustjóri

4. Hreiðar Oddsson, grunnskólakennari og skáti

5. Ingibjörg Auður Guðmundsdóttir, verkefnastjóri og stjórnmálafræðingur

6. Friðrik Sigurðsson, flugrekstrarfræðingur og f.v. forseti sveitarstjórnar Norðurþings

7. Margrét Ágústsdóttir, viðskiptastjóri og þríþrautarálfur

8. Guðlaugur Þór Ingvason, sölumaður og nemi í MK

9. Auður Sigrúnardóttir, MA í klínískri sálfræði og verkefnastjóri

10. Andrés Pétursson, sérfræðingur og knattspyrnuáhugamaður

11. Soumia I Georgsdóttir, viðskiptafræðingur og atvinnurekandi

12. Sigvaldi Einarsson, fjármálaráðgjafi

13. Ingibjörg Ýr Jóhannsdóttir, lögregluþjónn

14. Ólafur Árnason Klein, laganemi og formaður miðstjórnar Uppreisnar

15. Valéria Kretovicová, barnahjúkrunarfr. og áhugamanneskja um uppeldi og velferð barna

16. Elvar Bjarki Helgason, viðskiptafræðingur

17. Fjóla Borg Svavarsdóttir, grunnskólakennari

18. Kristinn Sverrisson, grunnskólakennari og þjálfari

19. Sigríður Sía Þórðardóttir, tölvunarfræðingur og forstöðumaður

20. Bergþór Skúlason, tölvunarfræðingur

21. Ragnheiður Bóasdóttir, sérfræðingur og formaður jafnréttis- og mannréttindaráðs Kópavogs

22. Theódór Júlíusson, leikari og íþróttaáhugamaður

Sveitarstjórnarkosningar fara fram þann 26. maí. Framboð geta sent upplýsingar um lista ásamt mynd á ritstjorn@visir.is