Mannréttindastjóri Sameinuðu þjóðanna, Zeid Ra'ad al-Hussein, hyggst láta af starfi á næsta ári. Í bréfi til starfsliðs síns segir Hussain að hann muni ekki bjóða sig fram til að sitja annað kjörtímabil með vísun í þær „landfræðipólitísku aðstæður“ sem nú eru uppi.
New York Times greinir frá ákvörðun jórdanska prinsins Hussein sem tók við stöðunni í september 2014 af hinni suður-afrísku Navi Pillay.
Hussein hefur harðlega gagnrýnt Bandaríkjaforseta síðustu mánuði, en Donald Trump er þó ekki nefndur sérstaklega á nafn í bréfinu til starfsmanna.
Mikið hefur verið fjallað um að Antonio Guterres, aðalritari Sameinuðu þjóðanna, hafi þrýst á Hussein að dempa gagnrýni sína á Bandaríkjastjórn þegar kemur að mannréttindamálum.
Mannréttindastjóri Sameinuðu þjóðanna hættir
Tengdar fréttir
Rússar halda áfram loftárásum á Aleppo
Framkvæmdastjóri Mannréttindastofnunar Sameinuðu þjóðanna harmar að Rússar hafi komið í veg fyrir að öryggisráðið samþykkti að loftárásum á Aleppo í Sýrlandi skyldi hætt
