Enska úrvalsdeildin undirbýr nú að innleiða myndbandadómgæslu hjá sér en í því skyni hefur verið ákveðið að prófa aðferðina í báðum leikjum Arsenal og Chelsea í enska deildabikarnum í janúar.
Þetta er í fyrsta sinn sem að þessi tækni er notuð í mótsleik á Englandi en hún er nú þegar notuð í efstu deildum á Ítalíu og Þýskalandi.
Gianni Infantino, forseti FIFA, hefur þegar sagt að hann vonist til þess að myndbandadómarar verði við störf á HM í Rússlandi næsta sumar.
Áðurnefndir leikir í undanúrslitum deildabikarsins fara fram 10. og 24. janúar. Í hinni undanúrslitarimmunni eigast við Manchester City og Bristol City.
Myndbandadómarar prófaðir í leik Arsenal og Chelsea
