Ana Victoria lætur gott af sér leiða

Ana Victoria Cate, leikmaður Stjörnunnar í Pepsi deild kvenna, hefur gengið til liðs við Juan Mata og Common Goal samtökin.

Samtökin snúast um það að atvinnumenn í knattspyrnu gefi 1 prósent launa sinna í góðgerðarmál til þess að hjálpa börnum sem minna mega sín.

Rúnar Alex Rúnarsson, landsliðsmarkvörður og leikmaður Nordsjælland í Danmörku, varð í nóvember fyrstur Íslendinga til þess að taka þátt í verkefninu.

Spánverjinn Juan Mata stofnaði samtökin, en í dag eru í þeim 33 knattspyrnumenn, meðal annars Mats Hummels, Shinji Kagawa og Kasper Schmeichel.

33 Leaders. 1 Goal.

pic.twitter.com/0up5P1PZJn

— Common Goal (@CommonGoalOrg) December 22, 2017