Tvöföld hamingja hjá Björgvini Páli og Karen Einarsdóttur

Tvíburar landsliðsmarkvarðarins Björgvins Páls Gústafssonar og Karenar Einarsdóttur komu í heiminn í nótt. Stelpan mætti fyrst og strákurinn kom þrjátíu og fimm mínútum síðar.

Á instagramreikningi Björgvins segir landsliðskappinn að öllum heilsist vel og ennfremur að hann gæti ekki verið stoltari af mömmunni, Karen Einarsdóttur, sem stóð sig eins og hetja. 

Hjónin hafa ekki farið leynt með það að þau hafa glímt við ófrjósemi. Í þættinum Ísland í dag greindu hjónin frá raunum sínum. Eftir eina tæknisæðingu, þrjár glasafrjóvgunarmeðferðir og tvær uppsetningar á frystum fósturvísum rættist ósk Björgvins og Karenar og Emma Björgvinsdóttir, fyrsta barn hjónanna, kom í heiminn í ágúst 2013. 

Þessi yndi komu í heiminn í nótt! Öllum heilsast vel og gætum við ekki verið stoltari af mömmunni sem stóð sig eins og hetja!Stelpan (3.055 g) mætti fyrst og strákurinn (3.165 g) kom 35 mín seinna (bæði 49 cm). Takk fyrir allar kveðjurnar!

A post shared by Björgvin Páll Gústavsson (@bjoggi) on Nov 25, 2017 at 6:40am PST