Hlakkar í þáttastjórnendum: „It's Mueller time“

Stjórnendur kvöldþátta í Bandaríkjunum fóru yfir nýjustu vendingar Rússarannsóknarinnar svokölluðu í gær. Eins og þeim einum er lagið gerðu þeir það með miklum húmor og fundu fjölmargar fyndnar hliðar á málinu.

Stephen Colbert meðal annars las upp tíst Donald Trump, forseta Bandaríkjanna, af sinni einskæru snilld. Það er ljóst að það hlakkaði í einhverjum en þáttastjórnendurnir hafa verið sérstaklega gagnrýnir á forsetann á undanförnum mánuðum.

Þá vonast þeir til þess að Paul Manafort muni þurfa að bera vitni opinberlega og vitnuðu í frægt atvik þar sem hann var spurður hvort að Trump hefði einhver tengsl við rússneska auðmenn.

Stephen Colbert Seth Meyers Trevor Noah Jimmy Fallon