Sindri áfram milli stanganna í Keflavík

Sindri Kristinn Ólafsson hefur skrifað undir nýjan tveggja ára samning við Keflavík. Þetta kemur fram á heimasíðu félagsins.

Sindri lék alla leiki Keflavíkur í Inkasso-deildinni á síðasta tímabili. Keflvíkingar enduðu í 2. sæti og tryggðu sér sæti í Pepsi-deildinni á næsta tímabili.

Sindri lék 14 leiki þegar Keflavík var síðast í Pepsi-deildinni, fyrir tveimur árum. Hann hefur alls leikið 43 deildar- og bikarleiki fyrir Keflavík.

Sindri er aðalmarkvörður U-21 árs landsliðs Íslands. Hann hefur leikið sex leiki fyrir U-21 ára landsliðið, alla á þessu ári.