Þýskaland með fullt hús stiga I Noregur með sigur á N-Írlandi

Lokaumerðinni í C-riðli undankepnni HM var rétt í þessu að ljúka en heimsmeistarar Þjóðverja tóku á móti Aserbaídsjan.

Fyrir leikinn var Þýskaland með fullt hús stiga og því búið að tryggja sér farseðilinn til Rússlands næsta sumar.

Það var Leon Goretzka sem skoraði fyrsta mark leiksins í kvöld en það gerði hann á 9. mínútu. Aserar sóttu í sig veðrir eftir því sem leið á fyrri hálfleikinn og náðu að jafna leikinn fyrir hlé og því var staðan 1-1 í hálfleik.

Í seinni hálfleiknum tóku Þjóðverjar öll völd á vellinum og komust þeir yfir á 54. mínútu og var þar að verki Sandro Wagner. Tíu mínútum seinna skoraði Antonio Ruediger, leikmaður Chelsea, þriðja mark Þjóðverja.

Leon Goretzka skoraði sitt annað mark á 66. mínútu áður en Emre Can lauk markaveislunni með marki á 81. mínútu.

Þjóðverjar því með fullt hús stiga í undankeppninnni en Lars Lagerback og lærisveinar hans báru einnig sigurorð á N-Írlandi í sama riðli á meðan Tékkland var ekki í vandræðum með San Marínó og unnu þá 5-0.