Freyja ráðin til Festu

Freyja Steingrímsdóttir hefur verið ráðin sem nýr verkefnastjóri yfir upplýsingamálum og viðburðum hjá Festu - miðstöð um samfélagsábyrgð fyrirtækja. 

Í tilkynningu frá Festu kemur fram að Freyja sé með bakgrunn í stjórnmálafræði og hagnýtum jafnréttisfræðum. Síðustu ár hafi hún unnið við stjórnmála- og upplýsingaráðgjöf fyrir félagasamtök, stéttafélög og stjórnmálaflokka víða um Evrópu og í Bandaríkjunum.

„Freyja er sérfræðingur í stafrænni miðlun og hefur umfangsmikla reynslu af kynningarherferðum og viðburðastjórnun.

Freyja mun stýra miðlun upplýsinga til fjölmiðla og markhópa ásamt því að bera ábyrgð á viðburðum miðstöðvarinnar. Hún mun einnig vinna náið með framkvæmdarstjóra og stjórn að stefnumótun og innleiðingu samskiptastefnu,“ segir í tilkynningunni.