Markku Kanerva, þjálfari Finna, var að vonum ánægður eftir sigurinn á Íslendingum í Tampere í undankeppni HM í dag.
„Ég er að sjálfsögðu glaður og ánægður fyrir hönd leikmannanna,“ sagði Kanerva í samtali við Arnar Björnsson eftir leikinn.
„Þetta var fyrsti sigur okkar í undankeppninni. Við höfum verið óheppnir í síðustu leikjum og nú náðum við fram hefndum gegn Íslandi,“ sagði Kanerva en Íslendingar unnu fyrri leik liðanna 3-2.
Kanerva bjó sitt lið undir erfiðan leik í dag.
„Við vissum að þetta yrði mikill bardagi. Við vissum um styrk íslenska liðsins í föstum leikatriðum og það er með góða leikmenn. Ég er mjög sáttur með frammistöðuna,“ sagði Kanerva.
Viðtalið í heild sinni má sjá í spilaranum hér að ofan.
