Draumurinn um Rússland lifir Henry Birgir Gunnarsson skrifar 6. september 2017 06:00 Gylfi Þór Sigurðsson fagnar af innlifun. vísir/anton Eftir vonbrigðin í Finnlandi var gjörsamlega allt undir hjá strákunum okkar á Laugardalsvelli í gær. Þeir hafa margoft sýnt að þeir láta vonbrigði ekki á sig fá og missa sig ekki heldur í velgengni. Í gær náði liðið enn og aftur að sýna sínar bestu hliðar þegar mikið var undir. Heimir gerði tvær breytingar á liði sínu frá því í Finnlandi. Sverrir Ingi kom í vörnina í stað Kára Árnasonar og Jón Daði fór í framlínuna í stað Alfreðs. Leikurinn fór ekki vel af stað fyrir Ísland því Emil Hallfreðsson krækti sér í kjánalegt gult spjald eftir um 90 sekúndur. Ömurlegt fyrir miðjumann að nánast byrja leikinn með gult á bakinu. Úkraínumenn mættu gríðarlega grimmir til leiks. Þeir settu strax mikla pressu á manninn með boltann hjá íslenska liðinu og strákunum gekk ekki vel að leysa úr þeirri stöðu. Þeir voru oftar en ekki fljótir að missa boltann. Þar af leiðandi var íslenska liðið lengstum að elta boltann. Birkir fékk þó fínt færi á 9. mínútu en hann hitti boltann illa.Íslensku strákarnir fagna.vísir/antonÁ móti kom að vörn íslenska liðsins hélt vel en það gekk þó oft illa að halda aftur af Konoplyanka á vinstri kantinum og hann komst tvisvar í fínt skotfæri. Sem betur fer nýtti hann þau ekki. Gylfi fékk tvö skotfæri á 22. mínútu en bæði skotin hans fóru í varnarmann. Þar með er upptalið það sem gerðist í fyrri hálfleik. Það var lítið að frétta. Mikil skák og hvorugt liðið að taka of mikla áhættu. Maður hefur oft séð meiri orku í leik íslenska liðsins og Heimir hefur örugglega kallað eftir henni í leikhléi. Ef hann gerði það þá svöruðu strákarnir svo sannarlega kallinu því síðari hálfleikurinn var einn sá besti sem íslenska landsliðið hefur sýnt. Strákarnir voru í einu orði sagt stórkostlegir. Það var rétt rúm mínúta liðin af síðari hálfleik er það dró til tíðinda. Emil með fínan sprett upp vinstri kantinn, átti flotta sendingu fyrir þar sem Jóhann Berg lenti í samstuði við markvörð Úkraínu. Ekkert dæmt og boltinn féll fyrir fætur Gylfa Þórs sem gat ekki annað en skorað. Úkraínumenn brjálaðir og hugsanlega hefði mátt dæma. Okkur Íslendingum gat ekki staðið meira á sama. Á 66. mínútu átti íslenska liðið frábæra skyndisókn. Boltinn út til hægri á Jóhann Berg. Hann sendi fyrir þar sem Jón Daði stöðvaði boltann fyrir Gylfa Þór sem setti boltann í netið með viðkomu í markverðinum. Skotið of fast fyrir Pyatov í markinu. Geggjað mark.Emil var frábær í seinni hálfleik.vísir/eyþórÍslenska liðið hefði vel getað bætt við fleiri mörkum. Strákarnir léku við hvurn sinn fingur og geisluðu af orku og sjálfstrausti. Úkraínska liðið náði aðeins að ógna undir lokin en annars var íslenska vörnin með allt á hreinu. Þeir pökkuðu gestunum saman. Er strákarnir setja kassann út og orkuna á fullt þá eru liðinu allir vegir færir. Það var ótrúlegt að sjá liðið stíga svona upp. Margir vildu Emil Hallfreðsson af velli í hálfleik enda með gult spjald á bakinu og ekki sannfærandi. Hann svaraði því með líklega bestu 45 mínútum landsliðsferilsins. Magnaður viðsnúningur. Aron Einar var yfirburðamaður í fyrri hálfleik og lék vel allan leikinn. Gylfi Þór hljóp líklega tvö maraþon í bland við mörkin tvö. Mikilvægi hans í liðinu er svo mikið og aðdáunarvert að fylgjast með vinnslunni og fórnfýsinni. Duglegasti lúxusleikmaður sem hægt er að eiga. Heimir þjálfari stendur enn eina ferðina uppi sem sigurvegari. Var gagnrýndur fyrir leikkerfið í Finnlandi og mörgum leist ekki á blikuna er hann hélt sig við það í gær. Flestar ákvarðanir hans ganga upp á endanum. Hann hlustar á sjálfan sig en ekki einhverja utanaðkomandi. Sem betur fer. Úrslit annarra leikja í gær gera það að verkum að Ísland er jafnt Króatíu á toppnum og Tyrkland er komið í pakkann af fullum krafti. Það getur margt gerst í síðustu leikjunum og miðað við þessa frammistöðu eru okkar menn líklegir til afreka. HM 2018 í Rússlandi Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Veðmál systkina til lykta leitt: „Veit að ég mun aldrei tapa fyrir honum“ Sport Stöðvuðu bardaga Valgerðar Sport Bein útsending: Bakgarðshlaupið í Heiðmörk Sport Ferguson saknar fótboltans Enski boltinn Heimsmeistaranum refsað fyrir notkun blótsyrðis Formúla 1 UEFA sé að missa þolinmæðina gagnvart Íslandi Íslenski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Fleiri fréttir UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Sjá meira
Eftir vonbrigðin í Finnlandi var gjörsamlega allt undir hjá strákunum okkar á Laugardalsvelli í gær. Þeir hafa margoft sýnt að þeir láta vonbrigði ekki á sig fá og missa sig ekki heldur í velgengni. Í gær náði liðið enn og aftur að sýna sínar bestu hliðar þegar mikið var undir. Heimir gerði tvær breytingar á liði sínu frá því í Finnlandi. Sverrir Ingi kom í vörnina í stað Kára Árnasonar og Jón Daði fór í framlínuna í stað Alfreðs. Leikurinn fór ekki vel af stað fyrir Ísland því Emil Hallfreðsson krækti sér í kjánalegt gult spjald eftir um 90 sekúndur. Ömurlegt fyrir miðjumann að nánast byrja leikinn með gult á bakinu. Úkraínumenn mættu gríðarlega grimmir til leiks. Þeir settu strax mikla pressu á manninn með boltann hjá íslenska liðinu og strákunum gekk ekki vel að leysa úr þeirri stöðu. Þeir voru oftar en ekki fljótir að missa boltann. Þar af leiðandi var íslenska liðið lengstum að elta boltann. Birkir fékk þó fínt færi á 9. mínútu en hann hitti boltann illa.Íslensku strákarnir fagna.vísir/antonÁ móti kom að vörn íslenska liðsins hélt vel en það gekk þó oft illa að halda aftur af Konoplyanka á vinstri kantinum og hann komst tvisvar í fínt skotfæri. Sem betur fer nýtti hann þau ekki. Gylfi fékk tvö skotfæri á 22. mínútu en bæði skotin hans fóru í varnarmann. Þar með er upptalið það sem gerðist í fyrri hálfleik. Það var lítið að frétta. Mikil skák og hvorugt liðið að taka of mikla áhættu. Maður hefur oft séð meiri orku í leik íslenska liðsins og Heimir hefur örugglega kallað eftir henni í leikhléi. Ef hann gerði það þá svöruðu strákarnir svo sannarlega kallinu því síðari hálfleikurinn var einn sá besti sem íslenska landsliðið hefur sýnt. Strákarnir voru í einu orði sagt stórkostlegir. Það var rétt rúm mínúta liðin af síðari hálfleik er það dró til tíðinda. Emil með fínan sprett upp vinstri kantinn, átti flotta sendingu fyrir þar sem Jóhann Berg lenti í samstuði við markvörð Úkraínu. Ekkert dæmt og boltinn féll fyrir fætur Gylfa Þórs sem gat ekki annað en skorað. Úkraínumenn brjálaðir og hugsanlega hefði mátt dæma. Okkur Íslendingum gat ekki staðið meira á sama. Á 66. mínútu átti íslenska liðið frábæra skyndisókn. Boltinn út til hægri á Jóhann Berg. Hann sendi fyrir þar sem Jón Daði stöðvaði boltann fyrir Gylfa Þór sem setti boltann í netið með viðkomu í markverðinum. Skotið of fast fyrir Pyatov í markinu. Geggjað mark.Emil var frábær í seinni hálfleik.vísir/eyþórÍslenska liðið hefði vel getað bætt við fleiri mörkum. Strákarnir léku við hvurn sinn fingur og geisluðu af orku og sjálfstrausti. Úkraínska liðið náði aðeins að ógna undir lokin en annars var íslenska vörnin með allt á hreinu. Þeir pökkuðu gestunum saman. Er strákarnir setja kassann út og orkuna á fullt þá eru liðinu allir vegir færir. Það var ótrúlegt að sjá liðið stíga svona upp. Margir vildu Emil Hallfreðsson af velli í hálfleik enda með gult spjald á bakinu og ekki sannfærandi. Hann svaraði því með líklega bestu 45 mínútum landsliðsferilsins. Magnaður viðsnúningur. Aron Einar var yfirburðamaður í fyrri hálfleik og lék vel allan leikinn. Gylfi Þór hljóp líklega tvö maraþon í bland við mörkin tvö. Mikilvægi hans í liðinu er svo mikið og aðdáunarvert að fylgjast með vinnslunni og fórnfýsinni. Duglegasti lúxusleikmaður sem hægt er að eiga. Heimir þjálfari stendur enn eina ferðina uppi sem sigurvegari. Var gagnrýndur fyrir leikkerfið í Finnlandi og mörgum leist ekki á blikuna er hann hélt sig við það í gær. Flestar ákvarðanir hans ganga upp á endanum. Hann hlustar á sjálfan sig en ekki einhverja utanaðkomandi. Sem betur fer. Úrslit annarra leikja í gær gera það að verkum að Ísland er jafnt Króatíu á toppnum og Tyrkland er komið í pakkann af fullum krafti. Það getur margt gerst í síðustu leikjunum og miðað við þessa frammistöðu eru okkar menn líklegir til afreka.
HM 2018 í Rússlandi Mest lesið „Hún reif í mig og hraunaði yfir mig, á Marilegan hátt“ Sport Iðrast gjörða sinna: „Var klárlega rangt af mér“ Íslenski boltinn Veðmál systkina til lykta leitt: „Veit að ég mun aldrei tapa fyrir honum“ Sport Stöðvuðu bardaga Valgerðar Sport Bein útsending: Bakgarðshlaupið í Heiðmörk Sport Ferguson saknar fótboltans Enski boltinn Heimsmeistaranum refsað fyrir notkun blótsyrðis Formúla 1 UEFA sé að missa þolinmæðina gagnvart Íslandi Íslenski boltinn Þjálfarinn í byrjunarliðinu: „Mér fannst þörf á smá aga í leikinn“ Handbolti Gróðursetja tvö hundruð tré fyrir hvert skorað mark Fótbolti Fleiri fréttir UEFA sé að missa þolinmæðina gagnvart Íslandi Iðrast gjörða sinna: „Var klárlega rangt af mér“ Gróðursetja tvö hundruð tré fyrir hvert skorað mark Ferguson saknar fótboltans Uppgjörið og viðtöl: Víkingur - Þróttur 1-1 | Eitt stig á hvort lið í fremur rólegum leik „Ætlum að taka bikarinn norður, það er bara staðan“ „Held að þetta verði mjög erfiður leikur“ Alisson tæpur fyrir leikinn gegn Bournemouth Var kennari og þjálfaði karlalið þegar hann stýrði kvennalandsliðinu Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Sjá meira