Ökumenn stöðvaðir undir áhrifum fíkniefna

Lögregla stöðvaði tvo ökumenn, sem grunaðir voru um akstur undir áhrifum fíkniefna, í nótt. Þetta kemur fram í dagbók lögreglunnar á höfuðborgarsvæðinu.

Laust eftir klukkan eitt í nótt var ökumaður stöðvaður grunaður um ölvunar- og fíkniefnaakstur. Við leit í bifreiðinni fannst lítilræði af ætluðum fíkniefnum en ökumaður var laus að lokinni blóðtöku.

Um hálftíma fyrr hafði lögregla stöðvað annan mann sem grunaður var um akstur undir áhrifum fíkniefna. Hann var einnig laus að lokinni blóðtöku.