Umfjöllun og viðtöl: Keflavík - KR 84-86 | Acox blokkaði KR í úrslit

KR er komið í úrslitaeinvígið um Íslandsmeistaratitilinn í körfubolta eftir frábæran sigur, 86-84, á Keflavík í fjórða leik liðanna. Leikurinn var ótrúlega spennandi og réðust úrslitin þegar nokkur sekúndubrot voru eftir af leiknum þegar Kristófer Acox varði skot Harðar Axels sem reyndi að jafna metin.

Það verða því KR og Grindavík sem leika til úrslita um Íslandsmeistaratitilinn. Amin Stevens var magnaður hjá Keflavík og gerði hann 39 stig og tók 19 fráköst. Rosalegur leikur hjá honum en það var ekki nóg.

Af hverju vann KR?

Það var bara reynslan hjá KR sem skilaði þeim sigurinn að lokum. Rosalegt að fylgjast með þessu frábæra liði og Jón Arnór Stefánsson steig upp undir lokin og kláraði dæmið þegar fimm sekúndur voru eftir. Það var einfaldlega sigurviljinn og reynslan sem skilaði KR í úrslit. Þetta var einn besti leikur tímabilsins.

Bestu menn vallarins?

Amin Stevens var stórbrotinn í kvöld og skoraði 39 stig og tók 19 fráköst.  Jón Arnór var með 16 stig fyrir KR í kvöld en stigadreifingin var virkilega góð hjá KR.

Hvað gekk illa?

Sóknarleikur liðanna var kannski ekkert æðislegur en varnarleikurinn var bara svo stórkostlegur hjá þeim báðum. Það er erfitt að tala um eitthvað sem gekk illa eftir svona æðislegan körfuboltaleik.

Keflavík-KR 84-86 (20-24, 19-18, 24-24, 21-20)

Keflavík: Amin Khalil Stevens 39/19 fráköst/5 stoðsendingar, Guðmundur Jónsson 22, Hörður Axel Vilhjálmsson 17/6 fráköst/6 stoðsendingar, Reggie Dupree 6, Elvar Snær Guðjónsson 0, Davíð Páll Hermannsson 0, Gunnar Einarsson 0, Arnór Sveinsson 0, Kristján Örn Rúnarsson 0, Arnór Ingi Ingvason 0, Ágúst Orrason 0, Magnús Már Traustason 0. 

KR: Jón Arnór Stefánsson 16/8 fráköst, Sigurður Á. Þorvaldsson 14/4 fráköst, Philip Alawoya 14/7 fráköst/4 varin skot, Darri Hilmarsson 13/5 fráköst, Kristófer Acox 10/5 fráköst/3 varin skot, Pavel Ermolinskij 9/5 fráköst, Brynjar Þór Björnsson 8/5 fráköst, Þórir Guðmundur Þorbjarnarson 2, Vilhjálmur Kári Jensson 0, Andrés Ísak Hlynsson 0, Arnór Hermannsson 0, Ólafur Þorri Sigurjónsson 0. 

Kristófer: Ég skuldaði Herði eitt blokk„Ég náði bara að stíga út og hirða frákastið og troða þessum bolta ofan í,“ segir Kritófer Acox sem tróð boltanum í körfuna undir lokin og það á ótrúlega mikilvægum tímapunkti.

„Amin var rosalegur í kvöld og sem betur fer klikkaði hann á vítinu. Jón Arnór náði þá að framkvæma rosalega fléttu sem skilaði okkur sigurkörfuna.“

Hann segir að Hörður Axel hafi sett tuttugu stig á sig í síðasta leik og því hafi hann skuldað honum þetta blokk.

„Þetta er í fyrsta skipti sem ég kemst í úrslit með mínu liði og þetta er akkúrat ástæðan fyrir því af hverju ég kom heim. Ég vissi að ég kæmi í algjört brálæði og það stóðst.“

Amin Stevens: Við höfum verið betri í síðustu tveimur leikjum„Þetta var ótrúlega erfiður leikur og við vissu alltaf að þetta yrði það. Þeir voru að berjast til að komast í úrslit og við að berjast fyrir lífi okkar,“ segir Amin Stevens, leikmaður Keflavíkur, eftir leikinn í kvöld.

„Ég þurfti bara í raun að slaka á alla vikuna til að gera mig tilbúinn í þennan leik. Þetta er rosalega erfitt lið og það fer gríðarleg orka í þetta.“

Amin segir að Keflavík hafi verið betra liðið í þessum leik.

„Við klúðruðum þessu í síðasta leik og við klúðruðum þessi í kvöld einnig. Svona er bara körfuboltinn. Maður þarf bara að taka þessu og læra af svona leikjum.“

Finnur: Acox kemur með svo mikla orku inn í liðið„Ég er bara ótrúlega stoltur að hafa klárað þetta Keflavíkurlið, þetta er hörkulið og ekkert gefins að komast í gegnum þá,“ segir Finnur Freyr Stefánsson, þjálfari KR, eftir leikinn.

„Þetta samspil Harðar Axels og Amin Stevens er eitthvað það erfiðasta sem ég sem þjálfari hef þurft að takast á við sem þjálfari.“

Finnur var gríðarlega ánægður með liðið sitt í kvöld og hvernig menn stigu allir upp. Þjálfarinn er mjög ánægður með Kristófer Acox og hans vinnu í seríunni.

„Hann kemur bara inn með alveg rosalega orku og það hefur gríðarleg áhrifa á liðið. Hann er vissulega ennþá að komast inn í þetta hjá okkur en hann er heldur betur að gera góða hluti, sérstaklega á móti svona leikmanni eins og Amin Stevens.“

Hann segir að það hafi verið gott að eiga leikmann eins og Jón Arnór undir lokin.

„Það var mikilvægt að bæði Brynjar og Jón myndu stíga upp undir lokin og loka þessu,“ segir Finnur sem er spenntur fyrir einvíginu við Grindavík.

Tweets by @Visirkarfa1