Bein útsending: Blaðamannafundur um húsnæðisáætlun Reykjavíkurborgar

Vísir sýnir beint frá blaðamannafundi sem boðað hefur verið til í Ráðhúsi Reykjavíkur í dag vegna húsnæðisáætlunar Reykjavíkurborgar sem verður til umræðu á borgarstjórnarfundi klukkan 14 í dag.

Blaðamannafundurinn hefst klukkan 13:30 þar sem Dagur B. Eggertsson, borgarstjóri, mun kynna húsnæðisáætlunina og svara spurningum fjölmiðla.

Mikið hefur verið rætt um húsnæðisvandann sem ríkir nú í Reykjavík en skortur er á húsnæði auk þess sem húsnæðisverð er mjög hátt. Má gera ráð fyrir því húsnæðisáætlunin sé liður í því að vinna á þessum vanda.

Fylgjast má með blaðamannafundinum í spilaranum hér að neðan.