Alfreð kom sínum mönnum í úrslit bikarsins

Lærisveinar Alfreðs Gíslasonar í Kiel eru komnir í úrslit þýska bikarsins eftir fínan sigur á Leipzig, 35-32, í undanúrslitaleiknum í dag en leikurinn fór fram í Hamborg.

Leikurinn var nokkuð jafn og var til að mynda staðan 19-19 eftir 30 mínútna leik. Kiel var sterkara liðið í þeim síðari og hafði liðið betur.

Niclas Ekberg var magnaður í liði Kiel og skoraði 12 mörk í dag. Hjá Leipzig gerðu þeir Niclas Pieczkowski og Lukas Binder sjö mörk.

RheinNeckar Löwen mætir Flensburg í hinum undanúrslitaleiknum sem hefst klukkan hálf fjögur í dag. Úrslitaleikurinn verður síðan á morgun.