World Class lýsir eftir handklæðaþjófi

„Við biðjum eiganda reiðhjólsins vinsamlegast um að skila til okkar handklæðinu á næstu æfingu en það er bersýnilega er merkt sem eign World Class Iceland,“ segir í stöðufærslu frá líkamsræktarstöðinni World Class, en með færslunni fylgir mynd þar sem sjá má hjól fast aftan á biðfreið og handklæði merkt stöðinni á reiðhjólinu.

„Þessi handklæði eru ætluð viðskiptavinum okkar til notkunar við og á æfingum innan húsakynna World Class og er notkun annarsstaðar einfaldlega þjófnaður.“

Í mörg ár hefur fólk getað tekið sér lítil rauð handklæði í World Class til að taka með sér inn á æfingu. Spurning hvort að þjófurinn gefi sig fram.