Basshunter heldur tvenna tónleika á Íslandi í þessum mánuði

Svíinn Jonas Erik Altberg, eða Basshunter ætlar að halda risa partý hér á landi í mars. Hann mætir á klakann og verður með tónleika föstudaginn 24. mars á Spot og laugardaginn 25. mars á Sjallanum Akureyri. 

Jónas hefur áður komið til Íslands og heillaðist mikið af landi og þjóð. Basshunter hóf leitina að bassanum 2006 þegar hann gaf út slagarann Boten Anna. Í kjölfarið dældi hann út hitturum sem margir þekkja eins og Dota, Now you´re gone, All I ever wanted,  I promised myself, Walk on water og fleiri.

Jónas er með 15 myndbönd á YouTube sem eru með 20 milljón áhorf eða meira. Basshunter er einnig gríðarlega vinsæll á samskiptamiðlum en hann er með 2,8 milljónir fylgjenda á Facebook.

Jonas hefur hann verið tilnefndur til margra verðlauna undanfarin ár. Meðal annars Best new act og Most addictive track á Mtv Europe Music Awards. 

Forsala miða hefst föstudaginn 17.mars.