Einu víti frá því að missa stigatitilinn

Keflvíkingurinn Amin Stevens varð stigahæsti leikmaður Domino’s-deildar karla í körfubolta á þessu tímabili en hann skorað 29,5 stig að meðaltali í 22 leikjum Keflavíkur í deildinni.

Það munaði þó ótrúlega litlu að Stevens missti stigakóngstitilinn til Flenards Whitfield í Skallagrími í lokaumferðinni. Flenard Whitfield skoraði nefnilega 50 stig í lokaleik sínum og þegar leik Skallagríms lauk í Grindavík var Whitfield kominn yfir Amin Stevens.

Amin Stevens átti hins vegar lokaorðið. Hann komst á vítalínuna í lokin á leiknum við ÍR í Seljaskóla og tókst ekki aðeins að tryggja Keflavík framlengingu heldur gaf sér einnig tækifæri til að endurheimta efsta sætið á listanum yfir stigahæstu leikmenn deildarinnar.

Flenard Whitfield var fyrir vítin með tveggja stiga forskot á Stevens og miðherji Keflavíkurliðins var nýbúinn að klikka á tveimur vítaskotum. Stevens setti hins vegar bæði vítin niður, jafnaði leikinn og um leið við Whitfield.

Stevens tryggði sér síðan stigakóngstitilinn með því að skora þrjú stig í framlengingunni.

Amin tók einnig flest fráköst í deildinni í vetur (15,3) og var með langhæsta framlagið (37,0) af öllum leikmönnum deildarinnar. Stevens var líka með bestu skotnýtinguna í deildinni en 61 prósent skota hans rataði rétta leið.

Tobin Carberry hjá Þór var þriðji stigahæstur með 27,3 stig í leik en hann var ennfremur á topp tíu í stigum, fráköstum (11,1, – 5. sæti) og stoðsendingum (4,4 – 10. sæti).

Njarðvíkingurinn Logi Gunnarsson var stigahæsti íslenski leikmaður deildarinnar en hann skoraði 19,95 stig í leik í vetur. Logi var rétt á undan ÍR-ingnum Matthíasi Orra Sigurðarsyni sem var með 19,5 stig í leik.

Topplistar í Domino’s-deild karla 2016-17:



Flest stig í leik:

1. Amin Stevens, Keflavík - 29,5

2. Flenard Whitfield, Skallagrímur - 29,4

3. Tobin Carberry, Þór Þ. - 27,3

4. Sherrod Nigel Wright, Haukar - 27,1

5. Antonio Hester, Tindastóll - 23,5

6. George Beamon, Þór Ak. - 21,8

7. Lewis Clinch Jr., Grindavík - 21,1

8. Logi Gunnarsson, Njarðvík - 19,9

9. Matthías Orri Sigurðarson, ÍR - 19,8

10. Darrel Keith Lewis, Þór Ak. - 18,3

Flest fráköst í leik:

1. Amin Khalil Stevens, Keflavík - 15,3

2. Flenard Whitfield, Skallagrímur - 14,6

3. Hlynur Bæringsson, Stjarnan - 12,8

4. Tobin Carberry, Þór Þ. - 11,1

5. Antonio Hester, Tindastóll - 10,7

6. Pavel Ermolinskij, KR - 9,3

Flestar stoðsendingar í leik:

1. Hörður Axel Vilhjálmsson, Keflavík - 6,8

2. Pavel Ermolinskij, KR - 6,6

3. Pétur Birgisson, Tindastóll - 6,2

4. Emil Barja, Haukar - 5,6

5. S. Arnar Björnsson, Skallagrímur - 5,3

6. Matthías Orri Sigurðarson, ÍR - 5,2

Flestir stolnir boltar í leik:

1. Pétur Birgisson, Tindastóll - 2,82

2. Danero Thomas, ÍR/Þór Ak. - 2,15

3. Ólafur Ólafsson, Grindavík - 2,09

4. Amin Stevens, Keflavík - 2,05

5. Björgvin Ríkharðsson, Tindastóli - 1,95

Flest varin skot í leik:

1. Tryggvi Hlinason, Þór Ak. - 2,73

2. Quincy Hankins-Cole, ÍR - 1,71

3. Finnur Atli Magnússon, Haukar - 1,36

4. Flenard Whitfield, Skallagrímur - 1,32

5. Hlynur Bæringsson, Stjarnan - 1,27

Hæsta framlag í leik:

1. Amin Stevens, Keflavík - 37,0

2. Flenard Whitfield, Skallagrímur - 32,5

3. Tobin Carberry, Þór Þ. - 31,3

4. Antonio Hester, Tindastóll - 26,9

5. Hlynur Bæringsson, Stjarnan - 25,8

6. Sherrod Nigel Wright, Haukar - 24,9

7. George Beamon, Þór Ak. - 20,4

8. Darrel Keith Lewis, Þór Ak. - 19,9

9. Ólafur Ólafsson, Grindavík - 19,7

10. Lewis Clinch Jr., Grindavík - 19,1

11. Pétur Birgisson, Tindastóll - 19,0

12. Hörður Axel Vilhjálmsson, Keflavík - 18,1

13. Matthías Orri Sigurðarson, ÍR - 18,0

14. Pavel Ermolinskij, KR - 17,4

15. Danero Thomas, ÍR/Þór Ak. - 17,2

16. Tryggvi Hlinason, Þór Ak. - 17,18

17. Jeremy Atkinson, Njarðvík - 16,4

18. S. Arnar Björnsson, Skallagrímur - 16,2

18. Finnur Atli Magnúss., Haukar - 16,2

20. Logi Gunnarsson, Njarðvík - 15,9