Hvernig snjallsíma á ég að kaupa mér?

Gífurlegt framboð er af snjallsímum og getur það verið nær ómögulegt að komast að niðurstöðu um hvaða sími henti manni best. Líta þarf til fjölmargra þátta þegar velja á síma. Til að mynda framleiðanda, stýrikerfis, myndavéla og ekki síst verðs.

Samanburðinn má sjá á myndinni að ofan sem má stækka með því að smella á hana.

Með aukinni netverslun hefur framboð einnig aukist. Íslenskir neytendur geta keypt síma frá fleiri framleiðendum en bjóðast í íslenskum verslunum.

Undanfarin ár hafa kínverskir framleiðendur sótt í sig veðrið og bjóða margir hverjir síma með sama innvolsi og finnst í flaggskipum Samsung og Apple nema á lægra verði.

Fréttablaðið hefur undanfarið rýnt í fjölda snjallsíma, umsagnir um þá á tæknispjallborðum og í fjölmiðlum, innvols þeirra, verð og útlit.

Hafa ber í huga að sumir símanna sem hér er mælt með eru ekki komnir á markað í Evrópu, til dæmis Nokia 5.

Þá er ekki víst að allar útgáfur þeirra síma virki með 4G-sendum íslenskra fyrirtækja, einkum asískar og bandarískar útgáfur þeirra. Þá má ekki flytja til landsins síma nema þeir séu CE merktir.

Fréttin birtist fyrst í Fréttablaðinu