Héldum að sérvitrar konur væru göldróttar og að best væri að kveikja í þeim

Nú er Mottumars farinn af stað og má eflaust búast við því að karlmenn um allt land byrji nú að safna yfirvaraskeggi, eða mottu.

Forsvarsmenn Mottumars settu nýja auglýsingu í loftið í gær og er hún gerð í samvinnu við auglýsingastofuna Brandenburg og Republik Film Productions.

Auglýsingin fjallar um þá hluti sem við Íslendingar töldum að væri heilagur sannleikur á sínum tíma. Einu sinni héldu til að mynda margir að jörðin væri flöt, að sérvitrar konur væri göldróttar og að líklega væri best að drekkja þeim eða kveikja í þeim.

Einnig héldu Íslendingar að allur matur væri betri í hlaupi. Við héldum að öpum liði ljómandi vel í Hveragerði og við ókum ruslinu okkar rétt út fyrir bæjarmörkum. Markmið auglýsingarinnar er að varpa ljósi á að núna vitum við betur. Samt nota Íslendingar ennþá tóbak.