Þyrla Landhelgisgæslunnar kölluð út vegna umferðarslyss á Holtavörðuheiði

Uppfært klukkan 16:19: Tveir voru fluttir lítið slasaðir með þyrlu Landhelgisgæslunnar á slysadeild í Reykjavík eftir tveggja bíla árekstur á Holtavörðuheiði á þriðja tímanum í dag.



Óskað var eftir aðstoð þyrlu Landhelgisgæslunnar vegna umferðarslyss á Holtavörðuheiði á fjórða tímanum í dag. Þyrlan er komin og farin af vettvangi.

Samkvæmt upplýsingum á vef Vegagerðarinnar er Holtavörðuheiði lokuð vegna slyssins.

Lögreglunni barst tilkynning vegna slyssins klukkan hálf þrjú og er um tveggja bíla árekstur að ræða. Lögreglan er nú að vinna á vettvangi. Ekki fást frekari upplýsingar að svo stöddu frá lögreglunni á Vesturlandi.