Ný uppfærsla Instagram auðveldar okkur lífið

Flestir ættu að kannast við það að taka skjáskot af Instagram þegar maður sér flotta flík, húsgagn, mat eða annað þegar skrollað er í gegnum samfélagsmiðilinn. Í nýrri uppfærslu Instagram er óþarfi að fylla myndaalbúmið á símanum með skjáskotum þar sem hægt er að vista myndir með svokölluðum bókamerkjum. 

Þegar nýja uppfærslan kemur munu notendur koma til með að sjá lítið flagg fyrir neðan myndirnar til hægri. Til þess að vista myndina er einfaldlega ýtt á flaggið og myndin vistast í sérstaka möppu sem enginn getur séð nema notandinn sjálfur. Þannig er hægt að skoða myndina aftur og aftur án þess að fylla símann af skjáskotum. 

Þetta mun klárlega breyta því hvernig fólk notar Instagram, sem er að færast nær og nær Pinterest.