Hrafnhildur með sitt fjórða Íslandsmet á HM í sundi | Komst í undanúrslit

Hrafnhildur Lúthersdóttir bætti Íslandsmet sitt í 100 metra bringusundi í undanrásum á HM í 25 metra laug í Windsor í Kanada.

Hrafnhildur náði fjórtánda besta tímanum í undanrásum og komst þar með í sitt þriðja undanúrslitasund á mótinu. Hún var líka í undanúrslitum í 50 metra bringusundi og 100 metra fjórsundi.

Hrafnhildur kom í mark á 1:06,12 mín. í sundinu í dag og bætti sitt eigið frá árinu 2015 um 6 hundraðshluta úr sekúndu. Gamla metið hennar var 1:06,12 mín. frá 13. nóvember 2015.

Þetta er fjórða Íslandsmet Hrafnhildar á mótinu en hún setti einnig tvö Íslandsmet í 50 metra bringusundi og eitt Íslandsmet í 100 metra fjórsundi.

Hrafnhildur hefur þar með sett Íslandsmet í öllum þremur greinunum sem hún hefur keppt í á þessu móti og hefur einnig komist áfram í þeim öllum.

Undanúrslitasundið fer fram í nótt klukkan rúmlega eitt að íslenskum tíma eða klukkan 20.09 að staðartíma í Kanada.