Sjáðu körfuna ótrúlegu sem bjargaði Sköllunum

Sigtryggur Arnar Björnsson tryggði Skallagrími framlengingu í Hólminum með hreint út sagt lygilegri körfu.

Hann dansaði með boltann fyrir utan teig Snæfells og náði síðan að skjóta boltanum úr jafnvægi og ofan í körfuna.

Dómarar leiksins voru ekki vissir um hvort þetta hefði verið tveggja eða þriggja stiga karfa. Eftir að hafa skoða upptökur hjá sjónvarstökumanni Stöðvar 2 Sport í húsinu var niðurstaðan tveggja stiga karfa. Það er þó ótrúlega tæpt.

Það dugði í framlengingu enda aðeins sex sekúndur eftir af leiknum þarna.

Tvær framlengingar þurfti til og í seinni náði Skallagrímur að tryggja sér sigur.

Körfuna má sjá hér að ofan en hún verður væntanlega skoðuð í ræmur í Körfuboltakvöldi Dominos annað kvöld.