Lars Lagerbäck að hafa góð áhrif á sænska landsliðið | 3-0 sigur í kvöld | Sjáðu mörkin

Sænska landsliðið er komið upp í fyrsta sætið í sínum riðli í undankeppni HM 2018 eftir öruggan 3-0 heimasigur á Búlgörum í kvöld.

Svíar eru enn taplausir í riðlinum og hafa sjö stig af níu mögulegum alveg eins og íslenska landsliðið. Það er margt mjög líkt með byrjun Íslands og Svíþjóðar í þessari undankeppni.

Lars Lagerbäck, fyrrum landsliðsþjálfari Íslands, er kominn inn í þjálfarateymi Svía og mun þar aðstoða landsliðsþjálfarann Janne Andersson.

Mörk Svía í kvöld skoruðu þeir Ola Toivonen, Oscar Hiljemark og Victor Lindelöf en staðan var 2-0 í hálfleik.

Svíar gerðu jafntefli við Hollendinga á heimavelli í fyrsta leik en unnu svo Lúxemborg fyrir þremur dögum.

Svíar eru í fyrsta sæti riðilsins ásamt Frökkum sem unnu 1-0 útisigur á Hollendingum í kvöld. Hollendingar sitja eftir með fjögur stig en allar þjóðirnar voru með jafnmörg stig fyrir leiki kvöldsins.