Dóra María Lárusdóttir tryggði Val 1-0 sigur á Breiðablik í lokaumferð Pepsi-deildar kvenna í dag.
Fyrir leikinn var Breiðablik eina liðið sem gat náð Stjörnunni að stigum en Blikar þurftu þó að stóla á að Stjarnan myndi tapa fyrir FH.
Stjörnukonur unnu hins vegar öruggan 4-0 sigur á heimavelli og fögnuðu þar með Íslandsmeistaratitlinum.
Bæði Breiðablik og Valur enduðu með 39 stig en Blikar eru í öðru sæti á betra markahlutfalli.
Þór/KA er í fjórða sæti eftir jafntefli gegn ÍBV, 3-3, en Eyjakonur eru svo í fimmta sætinu.
Anna Rakel Pétursdóttir, Sandra Stephany Mayor Gutierrez og Zaneta Wyne komu Þór/KA í 3-0 forystu en Cloe Lacasse skoraði tvívegis á lokamínútunum áður en Natasha Moraa Anasi jafnaði í uppbótartíma.
KR bjargaði sæti sínu í Pepsi-deild kvenna á ævintýralegan hátt með því að vinna ÍA, 3-2, eftir að hafa lent 2-0 undir.
Fylkir og Selfoss gerðu svo markalaust jafntefli en úrslitin þýða að Selfyssingar eru fallnir í 1. deild kvenna.
Fyrsta tap Breiðabliks staðreynd | Úrslit dagsins
Tengdar fréttir
Umfjöllun og viðtöl: Fylkir - Selfoss 0-0 | Selfyssingar fóru niður
Fylkir og Selfoss gerðu markalaust jafntefli í lokaumferð Pepsi-deildar kvenna í dag. Á sama tíma vann KR dramatískan 2-3 sigur á ÍA.
KR bjargaði sér á ótrúlegan hátt | Selfoss féll
Vann 3-2 sigur á ÍA eftir að hafa lent 2-0 undir. Selfoss féll eftir jafntefli í Árbænum.
Titillinn aftur í Garðabæinn: Stjarnan Íslandsmeistari 2016
Stjarnan vann öruggan 4-0 sigur á FH í lokaumferð Pepsi-deildar kvenna í kvöld.
